بۆچی یەكێتی لەكەركوكەوە بڕیاری كۆنگرەی دا؟؟

PUKMEDIA

مەھدی جەبار محەمەد

مەھدی جەبار محەمەد

‎یەكێتیی نیشتمانیی كوردستان، وەكو هێزێك لە ژیانی سیاسی خۆیدا هەمیشە لەقورسترین بارودۆخەكاندا خاوەن كردار و قسەی خۆی بووە وچارەسەری جیاواز و تۆكمەی هەبووە و گوێی بە ئاڵنگارییەكان نەداوە و ویستی روبەروبوونەوە وبەرهەڵستی هەبووە.

‎لەرۆژی دامەزراندنییەوە سەرەڕای نەخوازراوی بارودۆخی ئیقلیمی و ناوخۆیی و ئاڵنگارییەكان توانی بۆ هەموو ناوچەكە بسەلمێنێت، كەهێزی بەرهەڵستكاری و روبەروبوونەوە و قەیرانەكانەوە هاتووەتە بوون، ئەمڕۆش سەرەرای مژارە سیاسییەكان و ئاڵنگاری و روداوە ئیقلیمی و ناوخۆییەكانی هەرێم و عیراق، یەكێتی لە قودسی كوردستانەوە بڕیاری بەستنی كۆنگرە دەدات، هەڵبەت بەتێڕوانینی من، گەلێك فاكتەر وا دەكەن ئەم هێزە لەم كاتەو لەو تەوقیتەدا و لەكەركوكەوە بڕیاری بەستنی كۆنگرە بدات .

‎یەكەم: خودی ئەنجامدانی لەكۆنگرەی یەكێتی هەم روداوێكی سیاسی و هەم دۆخێك دەخوڵقێنێت كە زۆرینەی هێزە سیاسییەكانی عیراق لەو رۆژەدا لەسلێمانی كۆدەكاتەوە.

‎دووەم: ئەوە دەسەلمێنێت كە یەكێتی هێزێكی سیاسییە و بڕوای بە نوێبوونەوە و خۆنوێكردنەوە ھەیەو یەكێتی یەكدەست و یەكهێزە.

‎سێییەم: كە لەكەركوكەوە بڕیاری كۆنگرە دەدات، دەیەوێت ئەوە بڵێت كە یەكێتی هێزێكە لەناو خودی ئاڵنگارییەكان لەدایكبووە، ئامادەیە بۆ رووبەڕوبوونەوەی سەرجەم بارودۆخەكان كە كەركوك و ناوچە دابڕێنراوەكان پێیدا تێپەڕ دەبن.
 
‎چوارەم: كەركوك بۆ یەكێتییەكان وسەرۆك بافڵ هەم قودسە و هەم قەڵای سەوزە و هەم شادەماری هێزێكی وەك یەكێتییە كە زۆرترین قوربانی لە پێناویدا داوە.

‎پێنجەم: كەركوك لەبەردەم هەڵبژاردنێكی سەخت و قورس و مێژوییدایە و یەكێتیش ئامادەیە بۆ روبەڕوبوونەوەی ئاڵنگارییەكانی هەڵبژادن و كوردبوونی ئەوشارە بەدەنگی ئەندامەكانی، جارێكی تر دووپاتی دەكاتەو هەروەك چۆن مام لە رۆژی مورافەعەی حەقدا ئەوەی بۆ هەموو دنیا سەلماند .

‎شەشەم: یەكێتی هێزێكی سیاسییە و بڕوای بەكایەكانی دیموكراسییەت هەیە و ئامادەیە بۆ خەباتی هەڵبژاردن و هەڵبژاردن لەكەركوك.

‎ماوەتەوە ئەوە بڵێین یەكێتی حزبی ئاڵنگارییەكانە و ئاڵنگارییەكان چەندە سەخت بن وچەندە بەهێز بن یەكێتی هەر براوەیە.

PUKMEDIA