سه‌رۆككۆماری عیراق گه‌یشته‌ پارێزگای كه‌ربه‌لا

PUKMEDIA

سه‌رۆككۆماری عیراق سەردانی كه‌ربه‌لا دەکات

سه‌رۆككۆماری عیراق بۆ به‌دواداچوونی ره‌وشی خزمه‌تگوزارییه‌كان و پلان و رێوشوێنه‌كانی پێشوازی له‌ زیاره‌تكارانی چله‌ی ئیمام حسێن سه‌ردانی پارێزگای كه‌ربه‌لای كرد.

د. له‌تیف ره‌شید سه‌رۆككۆماری عیراق ئه‌مڕۆ 26-8-2023 گه‌یشته‌ پارێزگای كه‌ربه‌لا و له‌گه‌ڵ پارێزگار و یه‌كه‌ ئیدارییه‌كاندا كۆبووه‌ و ره‌وشی خزمه‌تگوزارییه‌كانی پارێزگاكه‌و پلان و ئاماده‌كارییه‌كان بۆ پێشوازی له‌زیاره‌تكارانی چله‌ی ئیمام حسێن گفتوگۆیان له‌باره‌وه‌ كرا.

بڕ‌یاریشه‌ سه‌رۆككۆمار له‌گه‌ڵ فه‌رمانده‌ ئه‌منییه‌كانی پارێزگاكه‌ كۆببێته‌وه‌و پلانی ئه‌منی پاراستنی زیاره‌تكاران تاوتوێ بكه‌ن، دواتریش ژماره‌یه‌ك دیدارو كۆبوونه‌وه‌ له‌و پارێزگایه‌ ئه‌نجامده‌دات.

زیاتر له‌ مانگێكه‌ حكومه‌تی عیراق و حكومه‌تی خۆجێی پارێزگای كه‌ربه‌لا ئاماده‌كاری بۆ پێشوازی له‌ زیاره‌تكارانی چله‌ی ئیمام حسێن ده‌كه‌ن، چاوه‌ڕ‌وان ده‌كرێت ژماره‌یه‌كی زۆر له‌ په‌یڕ‌ه‌وانی شیعه‌ له‌ناوخۆ و ده‌ره‌وه‌ی عیراق روو له‌ كه‌ربه‌لا بكه‌ن.

PUKMEDIA