مەكتەبی سیاسی: تاوانبارانی شەهیدكردنی گەنجەكانی كەركوك بەسزا بگەیەنرێن

PUKMEDIA

لۆگۆی یەكێتیی نیشتمانیی كوردستان

مەكتەبی سیاسی یەكێتیی نیشتمانیی كوردستان پرسەنامەیەك ئاڕاستەی كەسوكاری سەربەرزی شەهیدانی دەستی ناهەقی لەكەركوك دەكات و ئاماژە بۆ ئەوەدەكات: "هەموو لایەك دڵنیا دەكەینەوە كە لەرێگەی یاساوە دەبێت تاوانبارانی شەهیدكردنی ئەم چوار گەنجەمان بە سزای خۆیان بگەن".

دەقی پرسەنامەكە:


كەس وكاری سەربەرزی شەهیدانی دەستی ناهەقی ( كاك هاوكار ، كاك سەمەد، كاك حوسێن، كاك هەڤاڵ)

 لە ناخی دڵمانەوە خەم و پەژارەمان بۆ ئێوەی دلسۆز و ئەمەكداری  شاری كەركوك دەردەبڕ‌ین كە جارێكی تر ناهەقان و داخ لە دڵان دەستی رەشیان چوە رشتنی خوێنی چوار گەنجی رۆڵەی ئێوە، لە كاتێكدا ئەم گەنجانە بە بێ چەك لە پێناو بەدەستهێنانی مافەكانیان  نارەزاییان دەربڕ‌یبوو كەچی زۆر بەشێوەیەكی دڕ‌ندانەو دوژمنكارانەی پێكەوە ژیان بە گولەوەڵام درانەوە .

 لەگەڵ هاوخەمیمان بۆ ئەم كۆستە، هەموو لایەك دڵنیا دەكەینەوە كە لەرێگەی یاساوەدەبێت تاوانبارانی شەهیدكردنی ئەم چوار گەنجەمان بە سزای خۆیان بگەن و لە خوێنی بە ناهەق رژاویان بێدەنگ و خۆش نابین .

 هیوای هەرچی زووە چاك بوونەوە بۆ بریندارەكان دەخوازین و هەموو ڕ‌ێو شوێنیكی چارەسەركردنیان لە ئەستۆ دەگرین .  

لە یەزدانی مەزن داواكارین  سەبوری بە ئێوەی سەربەرز ببەخشێت و رۆحی  پاكی  شەهیدەكانیش بەبەهەشتی بەرین  شاد بكات .

انالله و انا الیە راجعون 
مەكتەبی سیاسی 
یەكێتیی نیشتمانیی كوردستان

PUKMEDIA