لەسەر ئەركی یەكێتی تۆپزاوە دەكرێتە مۆنۆمێنتی ئەنفال

PUKMEDIA

سەردانی وەفدی یەكێتیی نیشتمانیی كوردستان بۆ تۆپزاوە

وەفدێكی یەكێتیی نیشتمانیی كوردستان سەردانی تۆپزاوەی كرد و رایگەیاند: "وەك یەكێتی رێگەنادەین جارێكی دیكە تۆپزاوە بكرێتەوە بە سەربازگە"، لەسەر ئەركی یەكێتیش تۆپزاوە دەكرێتە مۆنۆمێنتی ئەنفال.

بەهەوڵی نوێنەرانی یەكێتیی نیشتمانیی كوردستان، بەسەربازگەكردنی گوندی تۆپزاوە راگیرا كە سوپای عیراق دەیویست جارێكی دیكە سەربازگەكانی سەردەمی بەعس نوێ بكاتەوە و هەر لەسەر ئەركی یەكێتیش تۆپزاوە دەكرێتە مۆنۆمێنتی ئەنفال.

رۆژی 4-9-2023، وەفدێكی یەكێتیی نیشتمانیی كوردستان كە پێكهاتبوو لە، رێبوار تەها ئەندامی ئەنجومەنی سەركردایەتی یەكێتیی نیشتیمانیی كوردستان و ئاڤێستا شێخ محەمەد ئەندامی سەركردایەتی و لێپرسراوی مەڵبەندی 18ی رێكخستنی رۆژهەڵاتی یەكێتی و د. ئەحمەد كەركوكی، بەمەبەستی پاڵپشتیكردنی خەڵكی خۆڕاگری تۆپزاوە و بۆ پاراستنی ئەو شوێنەی وەكو وێستگەی ئەنفالی كورد لەلایەن رژێمی بەعسەوە بەكارهێنرابوو بۆ كۆمەڵكوژی میللەتەكەمان، سەردانی ئەو دەڤەرەیان كرد و رایانگەیاند: "وەك یەكێتی رێگەنادەین جارێكی دیكە تۆپزاوە بكرێتەوە بە سەربازگە".


PUKMEDIA