جەعفەر شێخ مستەفا :تێکدانی ئاسایشی هەرێم کارێکی ترسنۆکانەیە

PUKMEDIA

جەعفەر شێخ مستەفا جێگری سەرۆکی ھەرێم

جەعفەر شێخ مستەفا جێگری سەرۆکی ھەرێم لە راگەیەنراوێکدا بەتوندی ئیدانەی کردەوەکەی ئەمڕۆی فرۆکەخانەی کشتوکاڵی سەربە ناحیەی عەربەتی پارێزگای سلێمانی دەکات و تێیدا رایدەگەیەنێت:"بۆ ھەموو لایەک ڕوونە کە ئامانج لەو کردەوە پڕ لە شەرمەزاری و ترسنۆکانەدا تێکدانی ئاسایش و سەقامگیری ھەرێمی کوردستان".

دەقی راگەیەنراوەکە:

لە راگەیەنراوێکدا جەعفەر شێخ مستەفا رایگەیاند:" ئامانج لە ھێرشەکەی سەر فڕۆکەخانەی کشتوکاڵی عەربەت تێکدانی ئاسایش و سەقامگیریی ھەرێمی کوردستانە و ئەرکی سەرشانی لایەنە پەیوەندیدارەکانی ھەرێم و عێراقە شکۆ و سەروەری خاک و نیشتیمان بپارێزن".

هەر لە راگەیەنراوەکەدا جەعفەر شێخ مستەفا جێگری سەرۆکی ھەرێم بە توندی ئیدانەی ھێرشە تیرۆریستییەکەی سەر فرۆکەخانەی کشتوکاڵیی عەربەت دەکات و دەڵێت بۆ ھەموو لایەک ڕوونە کە ئامانج لەو کردەوە پڕ لە شەرمەزاری و ترسنۆکانەدا تێکدانی ئاسایش و سەقامگیری ھەرێمی کوردستان.

ئاماژەی بەوەشکردووە:" ئەرکی سەرشانی لایەنە پەیوەندیدارەکانە لە حکومەتیی ھەرێم و عێراقی فیدراڵ، کە شکۆ و سەروەری خاک و نیشتیمان بپارێزن و ڕێگربن لە دووبارەبوونەوەی ئەم ھێرشە تیرۆریستیانەدا، بۆ ئەوەی چیتر ناوچەکەمان نەبێت بە قوربانی ململانێ ناوچەییەکان و کێشە نێودەوڵەتییەکان".

PUKMEDIA