وتەبێژی كۆنگرە: كۆنفرانسی مەڵبەند و مەكتەبەكان دەستپێدەكات

PUKMEDIA

تەلار لەتیف وتەبێژی پێنجەمین كۆنگرەی یەكێتی

سبەینێ پێنج شەممە، لەپڕۆسەیەكی دیموكراسیدا كۆنفرانسی مەڵبەند و مەكتەبەكان و سەرجەم ئۆرگانەكان لەچوارچێوەی ئامادەكارییەكانی بەستنی پێنجەمین كۆنگرە ئەنجامدەدرێت.

تەلار لەتیف محەمەد وتەبێژی پێنجەمین كۆنگرەی یەكێتیی نیشتمانیی كوردستان بەسایتی رەسمی كۆنگرەی راگەیاند: "لەچوارچێوەی ئامادەكارییەكانی بەستنی پێنجەمین كۆنگرەی یەكێتیی نیشتمانیی كوردستان كۆنفرانسی مەڵبەندو مەكتەبەكان و سەرجەم ئۆرگانەكان ئەنجامدەدرێت".

"لە سەعات 8ی بەیانی بۆ 4ی پاشنیوەڕۆی سبەی پێنج شەممە رێكەوتی 21-9-2023، لە پڕۆسەیەكی دیموكراسیدا هەڵبژاردنەكە ئەنجامدەدرێت" تەلار لەتیف وادەڵێت.

ئەمەش لەكاتێكدایە، لەدوو رۆژی رابردوودا لە چوارچێوەی ئامادەكارییەكانی بەستنی پێنجەمین كۆنگرەی یەكێتیی نیشتمانیی كوردستان، لیژنەی دەزگای هەڵبژاردن لە مەكتەب و مەڵبەندەكان دەستبەكار بوون بە مەبەستی كردنەوەی دەرگای خۆپاڵاوتن بۆ ئەو كاندیدانەی كە دەیانەوێت بەشداری كۆنگرە بكەن و هەر هەڤاڵێك ناوی لە تۆماری (مەكتەب و مەڵبەند) هەروەها دەزگای هەڵبژاردندا هەبووبێت، چانسی بەشداریكردنی كۆنگرەی هەبووە.

بڕیارە رۆژی 27ی 9ی 2023 كۆنگرەی پێنجەمی یەكێتی لە سلێمانی ببەسترێت و 600 ئەندام بەشداری تێدادەكەن.

PUKMEDIA