مەسرور بارزانی پیرۆزبایی لە سەرۆکی یەکێتی و ئەندامانی سەرکردایەتی دەکات

PUKMEDIA

مەسرور بارزانی

سەرۆکی حکومەتی هەرێمی کوردستان بەبۆنەی سەرکەوتنی پێنجەمین کۆنگرەی یەکێتیی نیشتمانیی کوردستانەوە پیرۆزبایی لە سەرۆک و ئەندامانی سەرکردایەتی یەکێتی دەکات و رایدەگەیەنێت: "هیوادارم قۆناغێکی نوێ لە خزمەتی گەل و نیشتمان دەست پێ بکەن و هەنگاوەکانتان بۆ یەکڕیزی و تەبایی و پەرەپێدان بە دەستکەوتەکان و پاراستنی نیشتمان و بەرژەوەندییە باڵاکانی خاک و خەڵکی کوردستان چڕتر بکەن".

دەقی پەیامی سەرۆکی حکومەت......

*پەیامی پیرۆزبایی سەرۆکی حکومەت بۆ سەرۆک و سەرکردایەتیی یەکێتیی نیشتمانیی کوردستان*


بەڕێزان سەرۆک و سەرکردایەتی یەکێتیی نیشتمانیی کوردستان:

بە بۆنەی سەرکەوتنی کۆنگرە و دەستنیشانکردنی سەرکردایەتی نوێی یەکێتی، پیرۆزبایی لە ئێوە و هەموو ئەندام و لایەنگرانی حیزبە تێکۆشەرەکەتان دەکەم.  

هیوادارم قۆناغێکی نوێ لە خزمەتی گەل و نیشتمان دەست پێ بکەن و هەنگاوەکانتان بۆ یەکڕیزی و تەبایی و پەرەپێدان بە دەستکەوتەکان و پاراستنی نیشتمان و بەرژەوەندییە باڵاکانی خاک و خەڵکی کوردستان چڕتر بکەن و هەروەها هەماهەنگی و پشتیوانیتان بو جێبەجێکردنی پلان و بەرنامەکانی حکومەت زیاتر بکەن.

مەسرور بارزانی
سەرۆکی حکومەتی هەرێمی کوردستان
2023/10/3

PUKMEDIA