دامەزراوەی سەرۆک جەلال تاڵەبانی پیرۆزبایی جەژنی جەما لە ئێزدییەکان دەکات

PUKMEDIA

لۆگۆی دامەزراوەی سەرۆک جەلال تاڵەبانی

دامەزراوەی سەرۆک جەلال تاڵەبانی، بەبۆنەی جەژنی جەمای ئێزدییانەوە، پیرۆزبایی ئاڕاستەی سەرجەم خوشك و برایانی ئێزدی دەکات و رایدەگەیەنێت، "هیوادارین ئەم جەژنە ببێتە مایەی ساڕێژبوونی برینە قوڵەکانی ئەم پێکهاتە گرنگەی گەلەکەمان".

دەقی پەیامەکە....

بەبۆنەی هاتنەوەی جەژنی جەما-ی ئێزدیانەوە گەرمترین پیرۆزبایی ئاراستەی میری ئێزدیان وسەرجەم خوشك و برایانی ئێزدی لە هەرێمی کوردستان و عێراق و جیهان دەکەین، هیوادارین ئەم جەژنە ببێتە مایەی ساڕێژبوونی برینە قوڵەکانی ئەم پێکهاتە گرنگەی گەلەکەمان و ڕۆژانی جەژن بەخۆشی و کامەرانی بەسەرببەن لەگەڵ هیوای ئازادکردن و بەیەك شادبونەوەی سەرجەم خێزان و کەس و کارەکانیان لە هەرکوێ یەکی دنیادا بن.

جارێکی تر جەژنتان پیرۆز بێ و هەموو ساڵێ بە خۆشی و شادی ئەم جەژنە بکەنەوە.


باڵیۆز د. محمد سابیر ئیسماعیل
سەرۆکی دامەزراوەی سەرۆك جەلال تاڵەبانی
6/10/2023
PUKMEDIA