مەكتەبی راگەیاندن كتێبی راگەیاندنی شۆڕش و بزووتنەوەی شیعری كوردی چاپكردەوە

PUKMEDIA

كتێبی راگەیاندنی شۆڕش و بزووتنەوەی شیعری كوردی (1975-1991)

كتێبی راگەیاندنی شۆڕش و بزووتنەوەی شیعری كوردی (1975-1991)، كە لە نووسینی د. ئەرسەلان بایزە، لەلایەن مەكتەبی راگەیاندنی یەكێتیی نیشتمانیی كوردستانەوە چاپكرایەوە.

كتێبی راگەیاندنی شۆڕش و بزووتنەوەی شیعری كوردی (1975-1991)، نامەی ماجستێری د. ئەرسەلان بایزە كە لەساڵی 2000 بۆ یەكەمجار چاپكراوە و لە ساڵی 2023 شدا لەلایەن مەكتەبی راگەیاندنی یەكێتییەوە بۆ جاری دووەم چاپكرایەوە، كتێبەكە لێكۆڵینەوەیەكی بەپێزە لە هەناوی ئەزمونی راگەیاندن و هەڵسەنگاندنی رەوتی ئەدەبی شۆڕشگێڕی بەرەنگاری كوردستانەوە.

ئەم دەقە هەم لێكۆڵینەوەیەكی ئەكادیمی و هەم گێڕانەوەی شایەتێكی واقیعی و هەمیش رێزگرتنێكی خنجیلانەی مەكتەبی راگەیاندنە لە تێكۆشانی لەمێژینەی هەڤاڵ د. ئەرسەلان بایز لە كایەی راگەیاندن و رۆشنبیری یەكێتی و شۆڕشی نوێی گەلەكەماندا.
كتێبی راگەیاندنی شۆڕش و بزووتنەوەی شیعری كوردی (1975-1991)، لە سێ فەسڵ و 321 لاپەڕە پێكدێت كە بریتین لە:

فەسڵی یەكەم:

زەمینە خۆشكردنە بۆ باسی رۆژنامەگەری و مێژوی ئەم چەشنە رۆژنامەگەری و راگەیاندنە لەناو كورددا و پەیوەندی و تێكەڵی راگەیاندن و ئەدەب بەگشتی و لەلای كورد بەتایبەتی دەردەخات.

فەسڵی دووەم:
باس لەو ماوەیەی مێژووی راگەیاندنی شۆڕش دەكات كە كراوە بەچوارچێوەی لێكۆڵینەوە، (1991-1975) و سیمای مێژووی كورد لە رووی سیاسییەوە و ماوەی ئەم چەند ساڵە باسدەكات، لەهۆكانی راگەیاندنی شۆڕش لەو ماوەیەدا دەدوێت، هەروەها لە (رۆژنامە، رادیۆ، شانۆ، شیعر و چیرۆك) دەدوێت لەوماوەیەدا و خاسیەتی سیاسی و هونەریان دەردەخات.


فەسڵی سێیەم:
باس لە بەردەوامی كارتێكردنی ئەو ماوەیە بەسەر راگەیاندنی ئێستای كوردیدا دەكات و زیندوویی هونەر و ئەدەب و كاری قوڵیان بەسەر مێژووی لەمەودوای ئەو بابەتە دەردەخات لە كاری راگەیاندن و هونەری ئەدەبی كوردی.


PUKMEDIA