د. نەرمین مەعروف: هەرێم و بەغدا بۆ مووچەخۆران هاوڕابوون

PUKMEDIA

د. نەرمین مەعروف

كۆبوونەوەی وەفدی هەرێم لەگەڵ لیژنەی دارایی ئەنجومەنی نوێنەرانی عیراق بە ئامادەبوونی هەردوو وەزیری دارایی هەرێم و عیراق كۆتایی هات و ئەندامێكی لیژنەكەش رایدەگەیەنێت: "لە كۆبوونەوەكەدا لێكتێگەیستنی زۆرباش لەبارەی مووچەی فەرمانبەران هەبوو".

د. نەرمین مەعروف ئەندامی لیژنەی دارایی لە ئەنجومەنی نوێنەرانی عیراق لەسەر پشكی فراكسیۆنی یەكێتی بە سایتی رەسمی یەكێتی PUKMEDIA ی راگەیاند: "كۆبوونەوەی ئەمڕۆی وەفدی حكومەتی هەرێم بە ئامادەبوونی هەردوو وەزیری دارایی هەرێم و عیراق و لەگەڵ لیژنەی دارایی لە ئەنجومەنی نوێنەرانی عیراق ئەرێنی بوو و لێكتێگەیشتنی باش لەبارەی لیست و تێچووی مووچە هەبوو".

"هەردوو لا هاوڕابوون كە پێویستە كێشەی مووچەخۆرانی هەرێم لەسەر بنەمایەكی دەستوور، لەژێر چاودێری دیوانی چاودێری بۆ تەواوی مووچەخۆران و خانەنشینانی شارستانی و سەربازی چارەسەر بكرێت" د. نەرمین مەعروف وادەڵێت.

ئەمڕۆ 18-10-2023، وەفدی حكومەتی هەرێمی كوردستان بە ئامادەبوونی هەردوو وەزیری دارایی هەرێم و عیراق و لەگەڵ لیژنەی دارایی لە ئەنجومەنی نوێنەرانی عیراق كۆبوونەوە و ئەنجامی كارەكانی دوو مانگی رابردووی دەستەی چاودێری هەردوولا خرانە بەردەم لیژنەی دارایی و گفتوگۆی تێروتەسەلیان لەبارەوە كرا.

PUKMEDIA