قوباد تاڵەبانی و باڵیۆزی كەنەدا: هەڵبژاردنێكی بێگەردو دادپەروەرانە بەڕێوەبچێت

نوسینگەی قوباد تاڵەبانی

قوباد تاڵەبانی و باڵیۆزی كەنەدا

قوباد تاڵەبانی جێگری سەرۆكوەزیران پێشوازی لە كاسی بونكا باڵیۆزی كەنەدا لە عیراق كرد و لە كۆبوونەوەی نێوانیاندا چەند پرسێكی جێی بایەخی هەردوولا گفتوگۆیان لەبارەیەوە كرا.

لە كۆبوونەوەكەدا كە رۆژی 1ی نۆڤەمبەری 2023 لە هەولێر بەڕێوەچوو و تامی ئەمێس بەڕێوەبەری ئۆفیسی باڵیۆزخانەی كەنەدا لە هەولێر ئامادەی بوو،  بارودۆخی  سیاسی و ئابوری عیراق و چۆنییەتی چارەسەركردنی كێشەكانی نێوان هەرێم و بەغدا تاوتوێ كران، هەردوولاش هیوایان خواست هەڵبژاردنەكانی ئەنجومەنی پارێزگاكانی عیراق بە شێوەیەكی پاك و بێگەرد و دادپەروەرانە بەڕێوەبچێت.
 
سەبارەت بە هەڵبژاردنەكانی داهاتووی پەرلەمانی كوردستانیش، هەردوولا جەختیان كردەوە لە بەڕێوەچوونی هەڵبژاردنەكان لەو وادەیەی لەلایەن سەرۆكایەتی هەرێمەوە دیاری كراوە.

PUKMEDIA