دامەزراوەی سەرۆک جەلال تاڵەبانی: سلێمانی؛ مەڵبەندی زیندووی ئازادیخوازانە

PUKMEDIA

سلێمانی

سەرۆکی دامەزراوەی سەرۆک جەلال تاڵەبانی بۆ ۲۳۹هەمین ساڵیادی دامەزراندنی شاری سلێمانی پەیامێک بڵاودەکاتەوەو ڕایدەگەیەنێت: "سلێمانی؛ مەڵبەندی زیندووی ئازادیخوازان، رووناکبیران، هونەرمەندان و داهێنانە، کەلتوورێکی تایبەت بە خۆی هەیە".

دەقی پیرۆزبایی نامەکە....

پیرۆزبایی دامەزراوەی سەرۆک جەلال تاڵەبانی بۆ ساڵیادی شاری سلێمانی

لە ٢٣٩ـهەمین ساڵیادی بنیاتنانی شاری سلێمانیی خۆشەویستدا، به‌ گه‌رمی پیرۆزبایی لە خۆمان و خەڵکی سەربەرزی شاری هەڵمەت و قوربانی، پایتەختی رۆشنبیریی کوردستان دەکەین.

سلێمانی؛ مەڵبەندی زیندووی ئازادیخوازان، رووناکبیران، هونەرمەندان و داهێنانە، کەلتوورێکی تایبەت بە خۆی هەیە، مێژوویەكی پڕشانازی لە خزمەتكردن بە رۆشنبیران و ئەدەب و فەرهەنگ تۆماركردووە و داگیرسێنەری مەشخەڵی بزاوتی رۆشنبیری، مەعریفی و رەسەنایەتییە.

شاری شاران؛ شارێك كە هەرگیز سەپاندنی نادادی، جەور و ستەمی قبووڵ نەكردووە و هەمیشە لە پێشەوەی خەبات بووە، نەوەکانی لە شۆڕش، راپەڕین، بزووتنەوەی كوردایەتیدا و وەستانەوە دژی هەموو بەرهەڵستکارییەک هەمیشە پێشەنگ بووە.

سلێمانی وەک نەریتە هەمیشەییەکەی خۆی بۆ هەموو داهێنانێک پێشەنگ بووە، لەم بەبۆنە پیرۆزەدا هیوای گەشەكردنی بەردەوام، پێشڕەوی و ئاوەدانی و خزمەتکردنی زیاتر بۆ ئەم شارە ئازیزە دەخوازین.

دووبارە یادی ٢٣٩ ساڵەی دامەزراندنی شاری سلێمانی لە هەموولایەک پیرۆزدەکەین.

   باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی

PUKMEDIA