دەرباز كۆسرەت رەسوڵ: پێكهاتەكان نوێنەری راستەقینەی خۆیان هەڵبژێرن

PUKMEDIA

دەرباز كۆسرەت رەسوڵ لێپرسراوی مەكتەبی پەیوەندییەكان و ئایدن مەعروف ئەندامی مەكتەبی سیاسی بەرەی توركمانی

دوانیوەڕۆی چوار شەممە ١٥/١١/٢٠٢٣ لە بارەگای مەكتەبی سیاسی لە هەولێر، دەرباز كۆسرەت رەسوڵ لێپرسراوی مەكتەبی پەیوەندییەكان پێشوازی لە وەفدێكی بەرەی توركمانی بە سەرۆكایەتی ئایدن مەعروف ئەندامی مەكتەبی سیاسی كرد.

لە دیدارێكدا كە هەریەك لە هەڤاڵان دكتۆر مەجید حەمەدەمین لێپرسراوی مەڵبەندی هەولێر و سالار لالە سەرحەد لێپرسراوی بۆردی كوردستانییەكان ئامادەی بوون گفتوگۆ لەبارەی پەیوەندییەكانی نێوان یەكێتیی نیشتمانیی كوردستان و بەرەی توركمانی كرا.

بەشێكی تری دیدارەكە گفتوگۆ كردن بوو لەبارەی هەڵبژاردنەكانی داهاتووی پەرلەمانی كوردستان و رۆڵ و پێگەو بەشداری پێكهاتەكان، دەرباز كۆسرەت رەسوڵ دووپاتی كردەوە كە یەكێتی خوازیارە مافی سەرجەم پێكهاتەو نەتەوە جیاوازەكان پارێزراو بێت و ئازادانە نوێنەری راستەقینەی خۆیان هەڵبژێرن.

دۆخی كوردستان و پەیوەندی نێوان لایەنەكان تەوەرێكی تری دیدارەكە بوو، هەردوولا هاوڕابوون كە پێویستە كێشەكان بە دیالۆگ و لێكتێگەیشتن چارەسەر بكرێن.

PUKMEDIA