سەرۆككۆماری عیراق: گۆڕانی كەشوهەوا هەڕەشە و مەترسییە لەسەر عیراق

PUKMEDIA

سەرۆک کۆمار

د.لەتیف رەشید سەرۆككۆماری عیراق كە یەكێكە لە سەرۆكە بەشداربووەكانی كۆنفرانسی Cop28 لەدوبەی، رایدەگەیەنێت: "عیراقیش یەكێكە لەوناوچانەی كە هەڕەشەی جددی لە كەشوهەوا و سروشتی عیراق هەیە"، نمونەی ئەوەش دەخاتەڕوو كە زۆنگاوەكانی نێوان دیجلە و فورات مەترسی گۆڕانی ژینگەییان لەسەرە هەرچەندە یونسكۆ وەك كەلەپوری جیهانی ناساندویەتی".

سەرۆككۆماری عیراق لە وتارێكیدا لە رۆژنامەی The Nationalدا بڵاویكردۆتەوە و لە بەشی بیروڕای PUKMEDIA بڵاوكراوەتەوە، دەڵێت: "كاریگەرییە نەرێنییەكانی گۆڕانی كەشوهەوا ناتوانرێت بە تەنیا چارەسەر بكرێن و چارەسەری خێراشی بۆ ناكرێت. هەروەها وڵاتانی دەرەوەش بە هانای ئێمەوە نایەن، بەڵام دەزانم دەتوانین گۆڕانكاری دروستبكەین و دەرئەنجامە خوازراوەكان بەدەستبهێنین".

"عیراق داوا لە وڵاتانی كەنداوی دراوسێ دەكات، كە گروپێكی دانوستانكاری هاوئاهەنگ لە چوارچێوەی پرۆسەی UNFCCC پێكبهێنن بۆئەوەی بە دەنگێكی یەكگرتوو قسە بكەن و بگەنە ئەو بڕیارانەی نیگەرانییەكانمان وەك ناوچەكە دەگەیەنێت. رێكخستنە هاوشێوەكان لە ناوچەكانی دیكەشدا سەركەوتو بوون"، سەرۆككۆمار لەوتارەكەیدا وادەڵێت.
PUKMEDIA