قوباد تاڵەبانی: بەڵێنی وەفا بۆ رێبازەکەی شەهید ئاکام نوێ دەکەینەوە

PUKMEDIA

رێورەسمی ساڵیادی ژیانئاوایی شەهید فەرماندە ئاکام

جێگری سەرۆکی ئەنجومەنی وەزیران لە ساڵیادی شەهیدبوونی فەرماندە ئاکام-دا رایدەگەیەنێت، "سەری رێز دادەنەوێنین بۆ روحی پاکی شەهید ئاکام و بەڵێنی وەفا بۆ رێبازەکەی نوێ دەکەینەوە، شەهید ئاکام بە تەمەنێکی کەمەوە ئەوەندەی خزمەت بە نیشتمانەکەی کرد کە هەرگیز ناو و یادی لەبیر نەکرێت".

قوباد تاڵەبانی لە ساڵیادی شەهیدبوونی فەرماندە ئاکامدا پەیامێکی بڵاوکردەوە و رایگەیاند: "جگە لە ئازایەتی و قارەمانێتی و گیانبازییەکانی لە بەرەکانی جەنگی دژ بە تیرۆر، وەک سەرۆک بافڵ وتی هێزێکی ئەوەندە تۆکمەی وەک هێزی کۆماندۆی کوردستانی بۆ بەجێهێشتین کە هەموومان شانازی پێوەدەکەین".

"لە ساڵیادی شەهیدبوونیدا سەری رێز دادەنوێنین بۆ روحی پاکی و بەڵێنی وەفا بۆ رێبازەکەی نوێ دەکەینەوە. شەهید ئاکام بە تەمەنێکی کەمەوە ئەوەندەی خزمەت بە نیشتمانەکەی کرد کە هەرگیز ناو و یادی لەبیر نەکرێت،شەهید ئاکامی گەل، نمونەی کەم ژیان و کەڵ ژیان، هەزاران سڵاو لە گیانی پاکی شەهید ئاکام و هەموو شەهیدانی رێگای ئازادی کوردستان"، قوباد تاڵەبانی وادەڵێت.
PUKMEDIA