پیرۆزباییەکان بۆ جەژنی رۆژوی ئێزی

PUKMEDIA

ئێزدییەکان

‎سەرۆک بافڵ: ئێزدییەكان بەشێكی گرنگ و كاریگەری كوردستانن

 جەژنی رۆژوو لە خوشك و برایانی ئێزدی پیرۆزبێت و هیوادارم ئەم جەژنە لە خۆشی و كامەرانیدا بەسەربەرن.

‎ئێزدییەكان بەشێكی گرنگ و كاریگەری كوردستانن و لەمێژووی خەباتی گەلەكەماندا رۆڵێكی دیار و بەرچاویان هەیە، یەكێتیی نیشتمانیی كوردستان بەڕێزەوە لەو مێژووە دەڕوانێت و وەك هەمیشە پشتیوان دەبێت بۆ پاراستنی مافەكانتان.

‎ لەم بۆنەیەدا جەخت لە هەنگاوی كرداری دەكەینەوە بۆ ئاوەدانكردنەوەی شەنگال و گەڕانەوەی ژیان بۆ ناوچەكە، ئێمەش پاڵپشت و پشتیوان دەبین.

‎شاد و سەرفرازبن


‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

مەکتەبی سیاسی: ئێزدییەکان دوچاری کارەسات و مەینەتی و جینۆساید بوونەتەوە

بەبۆنەی جەژنی ڕۆژووی ئێزییەوە  پیرۆزباییەكی گەرم ئاراستەی خوشك و برا ئێزدیەكانمان لە كوردستان و عێراق و سەرانسەری جیهان دەكەین.‍
‍
ئێزیدییەکان لەم چەندساڵەی رابردوو بەتایبەت لە ٣ ئابی ٢.١٤ دوچاری کارەسات و مەینەتی و جینۆساید بوونەتەوە ، بۆیە ئومێد دەکەین هەوڵی هەموو لایەک چڕبکرێتەوە بۆ گرنگیدان و ئاوەدانکردنەوەی ناوچەکانیان و سارێژکردنی زامەکانیان.‍
‍
هیوادارین هەموو بۆنە و یادەکانتان بە شێوەیەکی ئاشتی و هێمنی و شادی بەسەربەرن.‍
‍
مەکتەبی سیاسیی
یەکێتیی نیشتمانیی کوردستان

قوباد تاڵەبانی: هیوای جەژنێکی خۆش و پڕ لە ئاشتی و ئارامیتان بۆ دەخوازم 

بەبۆنەی جەژنی رۆژووی ئێزی، پیرۆزبایی لە هەموو خوشک و برایانی ئێزدی لە کوردستان و جیهان دەکەم و هیوای جەژنێکی خۆش و پڕ لە ئاشتی و ئارامییان بۆ دەخوازم.

بۆنە و سرووتە ئاینییەکانی هەموو پێکهاتەکان دەرفەتێکی گرنگن بۆ بیرهێنانەوەی گرنگیی قوڵکردنەوەی گیانی ئاشتەوایی و پێکەوەژیان.

لە رۆژی جەژنی رۆژووی ئێزی کە بۆنەیەکە بۆ لێبوردەیی و گەردن ئازایی لەناو خوشک و برایانی ئێزدیی، جەخت دەکەینەوە لەسەر چارەسەرکردنی هەموو کێشەکانی ناوچەی شەنگال بە رێگەی ئاشتییانە.

هیوادارم ئەم جەژنە ببێتە مایەی خێر و خۆشی بۆ هەموو ئێزدییان و بەدوور بن لە هەموو ناخۆشییەک.‍

‍
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

سەعدی ئەحمەد پیرە: كۆتاییبێت به‌ئاواره‌یی و نه‌هامه‌تیه‌كانی هاوڵاتیانی ئێزدی

به‌بۆنه‌ی ھاتنی جەژنی رۆژووی ئێزی پیرۆزبایی لە خوشک و برایانی ئێزیدی له‌هەرێمی كوردستان و عیراق به‌گشتی ده‌كه‌ین، هیواخوازین ئه‌م جه‌ژنه‌ ببێته‌ هه‌وێنی به‌رقه‌راربوونی ئۆقره‌یی و ئارامی له‌وڵاته‌كه‌ماندا و پێكه‌وه‌ژیانی ئاشتیانه‌ی نێوان ئاین و ئاینزا و پێكهاته‌ جیاجیاكان و كۆتایی بێت به‌ئاواره‌یی و نه‌هامه‌تیه‌كانی هاوڵاتیانی ئێزیدی لە هەرێمی كوردستان و عیراق و بگه‌رێنه‌وه‌ بۆ زێدی خۆیان ‍
 ‍
تەئکیدیش دەكەینەوە کە یەکێتی نیشتیمانی كوردستان  هەمیشە لەڕابردوو و ئێستاو داهاتووشدا پارێزگاری لە خوشک‌و برا ئێزیدییەکان دەکات‌و وەک بەشێک لە پێکهاتەیەکی گرنگی کۆمەڵی کوردەواری سەیریان دەکات.‍
‍
سەعدی ئەحمەد پیرە
وتەبێژی یەكێتی نیشتیمانی كوردستان