سەرۆککۆماری عیراق بۆ سەرۆک بافڵ: سەرکەوتنتان پیرۆزە

PUKMEDIA

سەرۆک بافڵ و سەرۆککۆماری عیراق

د. لەتیف جەمال رەشید سەرۆککۆماری عیراق، بەبۆنەی سەرکەوتنی یەکێتیی نیشتمانیی کوردستان لە هەڵبژاردنی ئەنجومەنی پارێزگاکانی عیراقدا، پەیامێکی پیرۆزبایی ئاڕاستەی سەرۆک بافڵ کردووە و رایگەیاندووە: "بەبۆنەی کۆتاییهاتنی پرۆسەی هەڵبژاردنی ئەنجومەنی پارێزگاکان و بەدەستهێنانی سەرکەوتن لە لایەن لیستی کەرکوک هێزو ئیرادەمانە لە پارێزگای کەرکوک، پیرۆزباییتان ئاراستە دەکەم".

دەقی پەیامەکە...

بەرێز/ بافڵ جەلال تاڵەبانی سەرۆکی یەکێتیی نیشتمانیی کوردستان

 بەبۆنەی کۆتاییهاتنی پرۆسەی هەڵبژاردنی ئەنجومەنی پارێزگاکان و بەدەستهێنانی سەرکەوتن لە لایەن لیستی کەرکوک هێزو ئیرادەمانە لە پارێزگای کەرکوک، پیرۆزباییتان ئاراستە دەکەم.

بەڕێوەچوونی هەڵبژاردن لە کەشێکی ئارام و بەشداری ژمارەیەکی زۆری هاوڵاتیان لە دەنگداندا لە کەرکوک، ئاماژەیە بۆ بایەخی پرۆسەکەو خواستی خەڵکی بۆ سەرکەوتنی پرۆسەی دیموکراسی و هەڵبژاردنی نوێنەرانیان بۆ بەڕێوەبردنی پارێزگاکەیان.

 ئومێدەوارم هەڵبژاردن لە پارێزگای کەرکوک ببێتە هۆی بەهێزکردنی بنەمای پێکەوەژیان و ئاشتی و سەقامگیری زیاتر دابین بکات.

د. لەتیف جەمال رەشید
سەرۆک کۆمار

PUKMEDIA