هەڵبژاردنی سەرۆکی پەرلەمان بۆ کاتێکی نادیار دواخرا

PUKMEDIA

ئەنجومەنی نوێنەرانی عیراق

بەهۆی ناکۆکی نێوان لایەنەکانەوە هەڵبژاردنی سەرۆکی پەرلەمانی عیراق ئەنجام نەدرا و دانیشتنەکە بۆ کاتێکی نادیار دواخرا.

دوای ئەوەی کە گەڕی یەکەم بۆ هەڵبژاردنی سەرۆکی پەرلەمانی عیراق لەنێوان پێنج کاندید دا بەڕێوەچوو، بەڵام هیچ کام لەکاندیدەکان دەنگی پێویستیان بەدەستنەهێنا، بۆیە هەڵبژاردنی سەرۆکی پەرلەمان کەوتە گەڕی دووەم و کێبڕکێکە لەنێوان شەعلان کەریمی و سالم عیساوی مابۆوە.

لە گەڕی یەکەمی دەنگدانی پەرلەمانتاران بۆ هەڵبژاردنی سەرۆکی پەرلەمان بەم شێوازەبوو، شەعلان کەریم 152 دەنگ، سالم عیساوی 97 دەنگ، مەحمود مەشهەدانی 48 دەنگ، عامر عەبدولجەبار 6 دەنگ، تەڵال زوبەیعی 1 دەنگ.

دوای دەستپێکردنی گەڕی دووەم بۆ هەڵبژاردنی سەرۆکی پەرلەمانی عیراق، بەڵام بەهۆی ناکۆکی نێوان لایەنەکانەوە هەڵبژاردنەکە ئەنجام نەدرا و بۆ کاتێکی نادریار دواخرا، بەمەش سەرۆکی نوێی پەرلەمانی عیراق هەڵنەبژێردرا.
PUKMEDIA