سێشەممە فەرهاد پیرباڵ مەشق بەچاومان دەکات

PUKMEDIA

گۆڤاری دیوان

ئەم سێ شەممەیە فەرهاد پیرباڵ پێتان  دەڵێت: "تەماشا مەكە ببینە، مەشق بە چاوەكانت دەكەم ئەمن، واتلێدەكەم چاوەكانت ئازاد خۆیان بتوانن "مەعنا" و فیگەر و فۆڕمی (جۆراوجۆر) بدۆزنەوە و بۆ منی لێكبدەنەوە، نەك من بێم یەك تاقە واتا یان یەك وێنەی تایبەتی خۆمت بەسەردا بسەپێنم"، ئەم وتانەی فەرهاد پیرباڵ لەبارەی پێشانگەیەكی شێوەكارییەوەیە كە بڕیارە گۆڤاری دیوان بۆی سازبكات.

بڕیارە سەعات 3ی ئێوارەی سێ شەممە 16-1-2025، گۆڤاری دیوان 19 هەمین پێشانگەی تایبەتی شێوەكاری بۆ فەرهاد پیرباڵ بەناونیشانی Zoophilia لەهۆڵی میدیا - گەلەری شێوەكاری لەشاری هەولێر بكاتەوە.

گۆڤاری دیوانی گۆڤارێكی مانگانەی ئەدەبی و رۆشنبیری گشتییە ناوەندی هەولێری مەكتەبی راگەیاندنی یەكێتیی نیشتیمانیی كوردستان دەریدەكات.

PUKMEDIA