دارایی عیراق داوای لیستی مووچەی مانگی یەك لەهەرێم دەكات

PUKMEDIA

لۆگۆی حکومەتی هەرێمی کوردستان، دیناری عیراقی

بەپێی نووسراوێكی وەزارەتی دارایی عیراق كە وێنەیەكی دەست PUKMEDIA كەوتووە و رێكەوتی 16-1-2024 ی لەسەرە، وەزارەتەكە داوا لە سەرجەم دامودەزگاكانی دەوڵەت دەكات كە لیستی مووچەی مانگی یەك ئامادە بكەن بە هەرێمی كوردستانیشەوە.

هەربەگوێرەی نووسراوەكە: "وەزارەتی دارایی عیراق هاوشێوەی سەرجەم دامودەزگاكانی دیكەی دەوڵەت داوای لە وەزارەتی دارایی و ئابوری حكومەتی هەرێم كردووە، لیستی خەرجی مووچەی فەرمانبەران مانگانە بۆ مانگی یەك (كانونی دووەم) و مانگەكانی دواتر بدەنە فەرمانگەی ژمێركاری وەزارەت یان گەنجینەی پارێزگاكان بەمەبەستی تەمویلكردنی مووچە تا ئەوكاتەی خشتەی نوێی بودجەی ساڵی 2024 لە هەردوو ئەنجومەنی وەزیران و نوێنەران پەسەند دەكرێت".

ئەمەش لەكاتێكدایە پێشتر ئەنجومەنی وەزیرانی عیراق بڕیاریدا بڕی 618 ملیار و 587 ملیۆن دینار بەپێی بودجەی گشتیی فیدراڵی بۆ ساڵی 2024 وەك مووچەی مانگی یەك-ی ئەمساڵ بۆ هەرێمی كوردستان بنێرێت.

PUKMEDIA

نوێترین نووسراوی وەزارەتی دارایی فیدڕاڵ تایبەت بە مووچەی مانگانەی فەرمانبەران: