پشتگیری هێزەكانی پێشمەرگە بۆ روبەڕوبوونەوەی تیرۆر گرنگە

PUKMEDIA

پێشوازی شێخ جەعفەر شێخ مستەفا لە كۆڵۆنیڵ لۆكا ڤیلیسك

لێپرسراوی ئەنجومەنی پاراستنی بەرژەوەندییە باڵاكانی یەكێتی و تیمێكی سەربازی هێزەكانی ئیتاڵیا لە هاوپەیمانی نێودەوڵەتی رۆڵی پێشمەرگەیان بەرزنرخاند لە روبەڕوبوونەوەی تیرۆر و تەئكیدیش لە بەردەوامی ومانەوە و پشتگیری هێزەكانی ئیتاڵیا كرایەوە  بەتایبەت "پشتگیریكردنی هێزەكانی پێشمەرگە". 

رۆژی 8/2/2024 شێخ جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان پێشوازی لە كۆڵۆنیڵ لۆكا ڤیلیسك و تیمێكی یاوەری لە تیمی مەشقكردنی سەربازی هێزەكانی ئیتاڵیا لە هاوپەیمانیی نێودەوڵەتی لە عیراق كرد. 

لە دیدارێكدا  لێپرسراوی ئەنجومەنی پاراستنی بەرژەوەندییە باڵاكانی یەكێتی ستایشی هێزە سەربازییەكانی ئیتاڵیای كرد لە رۆڵگێڕانیان لە پشتگیریكردنی هێزی پێشمەرگەی كوردستان لە رووی مەشقپێكردن و راهێنان، هەروەها لە رووی پشتگیریكردنیان لە هێزەكانی پێشمەرگەی كوردستان لە شەڕی روبەڕوبوونەوەی تیرۆردا و بەردەوامیان لەو پشتگیریكردنە. 

لە بەرامبەردا كۆڵۆنیڵ لۆكا ڤیلیسك هەڵوێستی لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان -ی بەرز نرخاند.

لە بەردەوامی پەیوەندیكردنی بە هێزەكانی ئیتاڵیا لە هاوپەیمانیی نێودەوڵەتی لە عیراق دا هەروەها مانەوە و بەردەوامی پشتگیری هێزەكانی ئیتاڵیای دووپاتكردەوە لە "پشتگیریكردنی هێزەكانی پێشمەرگە". 

PUKMEDIA