ئاسایشی سلێمانی چەند بڕیارێك بۆ بازرگانانی دراو دەردەكات

PUKMEDIA

لۆگۆی ئاسایش، دۆلار

بەڕ‌ێوەبەرایەتی ئاسایشی پارێزگای سلێمانی پێنج بڕ‌یاری بۆ بازاڕ‌ی ئاڵوگۆڕ‌ی دراو (بازاڕ‌ی دۆلارەكە) دەركردو بەگوێرەی یەكێك لە بڕ‌یارەكانیش، مامەڵەكردن بە‌دراوی ئەلیكترۆنی بە‌هەموو شێوەیەك قەدەغەیە.

بەگوێرەی نووسراوێكی هۆبەی چاودێری و ئاڵوگۆڕ‌ی دراو و شتومەكی ئاسایشی سلێمانی، ئاگاداری سەرجەم كۆمپانیاو نوسینگەو دەستگێڕ‌ و كاسبكاران دەكاتەوە، پابەندی بڕ‌یاری دیاریكراو بن، بەپێچەوانەوە روبەڕ‌ووی لێپێچینەوەی یاسایی دەبنەوە.

لەبڕ‌یارەكاندا هاتووە، "نابێت جیاوازی بكرێت لەنێوان دۆلاری چاپی كۆن و نوێ، كاتێك دراو وەرناگیرێت كە (ساختە، دڕ‌او، تەواو ژاكاو) بێت، هەروەها لەكاتی وەرگرتنی حەواڵە داوای كەفیل نەكرێت و بدرێت بەو كەسەی كە بەناویەوە هاتووە یاخود بریكارنامەی ئەو كەسەی پێ بێت كە بەناویەوە هاتووە".

لە نووسراوەكەدا ئەوەشخراوەتەڕ‌وو، ئەو كەسەی حەواڵە وەردەگرێت پێویستە پێناسی پێ بێت، مامەڵەكردنیش ر‌استەوخۆ و روبەڕ‌وو دەبێت، مامەڵەكردن بەدراوی ئەلیكترۆنی بەهەموو شێوەیەك رێگەپێنەدراوە.

PUKMEDIA