قەڵغانی نەخۆشخانەی هیوا پێشکەشی خانمی یەکەمی عیراق دەکرێت

نوسینگەی رۆژنامەوانی شاناز ئیبراهیم ئەحمەد

دیمەنی وەرگرتنی قەڵغانەکە

شاناز ئیبراهیم ئەحمەد خانمی یەکەمی عیراق، ئەمڕۆ پێنجشەممە 15-2-2024 بەشداری لە رێوڕەسمێکی تایبەت بە رۆژی جیهانیی شێرپەنجەی منداڵان کرد، کە رێکخراوی منداڵپارێزی کوردستان لەشاری سلێمانی رێکیخستبوو. 

خانمی یەکەم لەمیانی رێوڕەسمەکەدا، کە دکتۆر رەهێڵ فەرەیدون بریکاری وەزارەتی تەندروستیی حکومەتی هەرێمی کوردستان و ژمارەیەک لێپرسراو و پزیشك ئامادەیبوون، ئاماژەی بەپێویستی یەکخستنی هەوڵەکان و هەموو تواناکانی بەردەست کرد بۆ دابینکردنی چارەسەرە پێویستەکان و پێداویستی پزیشکی بۆ منداڵانی توشبوی شێرپەنجە لەپێناو دەستەبەرکردنی تەواوی ئەو خزمەتگوزارییە تەندروستیانەی پێشکەشیان دەکرێت لە دامەزراوە تەندروستیەکاندا، هاوکات ستایشی رۆڵی رێکخراوی منداڵپارێزی کوردستانی کرد لەدابینکردنی چارەسەرە پزیشکییەکان بۆ توشبوانی شێرپەنجە بەتایبەت خێزانە داهات سنوردارەکان .

لەکۆتایی رێوڕەسمەکەشدا، خاتوو شاناز ئیبراهیم ئەحمەد قەڵغانی نەخۆشخانەی هیوای پێشکەشکرا وەک رێزێک لەپای هەوڵەکانی بۆ هاوکاری و گرنگیدان بەتوشبوانی نەخۆشییەکە.

PUKMEDIA