زانكۆی سلێمانی له‌سه‌ر ئاستی عیراق كێبڕ‌كێی یه‌كه‌می ده‌كات

PUKMEDIA

دەروازەی زانکۆی سلێمانی

لە نوێترین هەڵسەنگاندن بۆ توێژینەوەی توێژەرانی زانکۆ، کە لەلایەن دامەزراوەی AD Scientific Index بۆ ساڵی 2024 ئەنجامدراوە، زانکۆی سلێمانی لەسەر ئاستی هەرێم لە پلەی یەکەمدایە و لەسەر ئاستی عیراقیش كێبڕ‌كێی یه‌كه‌می ده‌كات.

به‌پێی دامه‌زراوه‌ی AD Scientific Index، زانكۆی سلێمانی له‌ ساڵی ٢٠٢٤دا، له‌سه‌ر ئاستی گشت زانكۆ حكومی و تایبه‌ته‌كان له‌ هه‌رێمی كوردستان پله‌ی یه‌كه‌م و له‌سه‌ر ئاستی عیراقیش پله‌ی دووه‌م به‌ده‌ست ده‌هێنێت. ئه‌م سه‌ركه‌وتنه‌ گه‌وره‌یه‌ نیشانده‌ری ئه‌وه‌یه‌ كه‌ زانكۆی سلێمانی له‌به‌هێزی، ئاستبه‌رزی و كاریگه‌ریی توێژینه‌وه‌ی توێژه‌ره‌كانیدا به‌رده‌وام له‌ به‌ره‌وپێشچوونێكی به‌رچاو و خێرادایه‌.

دامه‌زراوه‌ی  AD Scientific Index، به‌ پشتبه‌ستن به‌ پێوه‌ره‌كانی  (h-index, i10-index, citation)ی گووگڵ سكۆله‌ر، هه‌ڵسه‌نگاندن بۆ توێژینه‌وه‌ی توێژه‌رانی زانكۆكان ده‌كات، دامه‌زراوه‌ی ناوبراو، جگه‌ له‌ دیاریكردنی باشترین توێژه‌ری زانكۆكان، ئاماژه‌ش به‌ ژماره‌ی باشترین توێژه‌ره‌كانی هه‌ر زانكۆیه‌ك له‌سه‌ر ئاستی جیهان ده‌دات. شایه‌نی باسه‌، باشترین توێژه‌ری زانكۆی سلێمانی (پ. د. شجاع الدین بكر عزیز)ـە‌کە مامۆستایه‌ له‌ به‌شی فیزیا – كۆلێجی زانست و هاوكات ر‌اگری (سه‌نته‌ری توێژینه‌وه‌ و په‌ره‌پێدان)ـە.

ئەمەش لەکاتێکدایە زانکۆی کە بە زانکۆی دایک ناسێندراوە جگە لەوەی کە چەند ساڵێکە لەسەر ئاستی زانکۆ حکومیەکانی هەرێمی کوردستان پلەی یەکەم بەدەست دەهێنیت، لەسەر ئاستی عیراقیش هەوڵی بەدەستهێنانی پلەی یەکەم لە ژمارەی توێژینەوە و باشی توێژینەوە دەدات و لەسەر ئاستی جیهانیش ساڵانە چەندین پلە دێتە پێشەوە.
PUKMEDIA