زیاتر لە 200 هەزار گەشتیار روویان لەهەرێم کردووە

ئەرشیف

سەیرانگای دووکان

بەبۆنەی جەژنی رەمەزانی پیرۆز و رۆژانی پشووەوە، زیاتر لە 200 هەزار گەستیار روویان لە هەرێمی کوردستان کردووە و سەردانی ناوچە گەشتیارییەکان دەکەن.

نزیکەی ٧٥ هەزار گەشتیار لەسلێمانین

ئارام شوانی وتەبێژی بەڕێوەبەرایەتی گەشتوگوزاری سلێمانی لەکۆنگرەیەکی رۆژنامەوانیدا رایگەیاند: بەبۆنەی جەژنەی رەمەزانی پیرۆزەوە، نزیکەی ٧٥ ھەزار گەشتیار سەردانی سنووری پارێزگای سلێمانیان کردووە.

نزیکەی ٥٦ هەزار گەشتیار لەهەولێرن

هاوکات نەریمان فازڵ وتەبێژی بەڕێوەبەرایەتی گەشتوگوزاری ھەولێر رایگەیاند: تا ئەمڕۆ کە دەکاتە سێهەم رۆژی جەژن، نزیکەی ٥٦ ھەزار گەشتیار روویان لە سنوری پارێزگای ھەولێر کردووە.

نزیکەی ٥٨ هەزار گەشتیار لە هەڵەبجەن

هەروەها چیا قاسم بەڕێوەبەری گەشتوگوزاری ھەڵەبجە ئاماری سنووری پارێزگای هەڵەبجەی راگەیاند و وتی:" بەھۆی پشووەکانی جەژنەوە زیاتر ٥٨ ھەزار گەشتیار روویان لە ھەڵەبجە کردووە و پێشبینی دەکەین ژمارەکە زیاتریش ببێت.