وەفدێکی حکومیی عیراق بەشداری ساڵیادی بۆردومانی قەڵادزێ دەکات

PUKMEDIA

قەڵادزێ

لەسەر داوای ئەندامێکی فراکسیۆنی یەکێتی لەئەنجومەنی نوێنەرانی عیراق، وەفدێکی حکومیی عیراق بە پێشکەشکردنی ١٥ هەزار نەمام بەشداری ساڵیادی بۆردومانی قەڵادزێ دەکات و تاجەگوڵینەی رێز و وەفا لەسەر مەزاری شەهیدان دادەنێت.

بەدریە حسێن ئەندامی ئەنجومەنی نوێنەرانی عیراق لەفراکسیۆنی یەکێتی بەسایتی رەسمیی یەکێتیی نیشتمانیی کوردستان PUKMEDIA ی راگەیاند:" لەسەر داواکاری ئێمە وەفدێکی باڵای وەزارەتی ژینگەی عیراق، کە پێکهاتوون لە بریکاری وەزیر و وەفدی یاوەری، بەشداری ساڵیادی بۆردومانی قەڵادزێ و زانکۆی سلێمانی دەکات".

"وەفدە حکومییەکەی عیراق بە پێشکەشکردنی ١٥ هەزار نەمام و دانانی تاجە گوڵینە لەسەر مەزاری شەهیدان بەشداری مەراسیمەکە دەکەن، کە بۆ یەکەمینجارە وەفدێکی باڵای حکومیی عیراق بەشداری یادکردنەوەی ئەو کارەساتە دەکات"، بەدریە حسێن وایوت.

ئەمڕۆ ٢٤-٤-٢٠٢٤، نیو سەدە بەسەر بۆردوومانكردنی شاری قەڵادزێدا تێپەڕدەبێت، كە لەلایەن رژێمی بەعسەوە لەساڵی ١٩٧٤ دا شاری قەڵادزێ و زانكۆی سلێمانی بۆردومانكراو بەو هۆیەشەوە چەندین هاووڵاتی و خوێندكاری زانكۆی سلێمانی شەهید و برینداربوون.

PUKMEDIA