سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی

PUKMEDIA

سەعدی ئەحمەد پیرە وتەبێژی یەکێتیی نیشتمانیی کوردستان

لە یادی ٥٠ ساڵەی بۆردومانكردنی قەڵادزێ و زانکۆی سلێمانی-دا سەعدی ئەحمەد پیرە وتەبێژی یەکێتیی نیشتمانیی کوردستان پەیامێکی بڵاوکردەوە و رایگەیاند:" ‎ یادی كارەساتی بۆردومانی قەڵادزێ ‌و بیروەرییەكانی تری گەلەكەمان، پێویستە ببنە هەوێنی یەكێتی ریزەكانی گەلەكەمان‌و تەبایی نێوان سەرجەم لایەنە سیاسیەكانی كوردستان‌و چارەسەركردنی كێشەكان‌و چاكسازیی ڕاستەقینه لەسەرجەم كایەكانی ژیاندا لە پێناو فەراهەمكردنی سەقامگیری سیاسی و ئابوری و كۆمەڵایەتی و خۆشگوزەرانی بۆ خەڵكی كوردستان".

راشیگەیاند:" هێشتا تەواوی ئاوات‌و ئامانجی شەهیدانی ‌كوردستان‌و ئەنفالكراوەكان بەدینەهاتووە، چەسپاندنی مافە نیشتمانیی‌و دەستوری‌و دیموكراسیەكانی گەلی كوردستان، هەماهەنگی‌و یەكهەڵوێستی هەموولایەكی پێویسته".

" هاوکات ساڵی ١٩٦٨ لەسەر داوا و جهودی رەوانشاد سەرۆک مام جەلال دهۆک کرا بە پارێزگا ، زانکۆی سلێمانی دامەزرا، هەر لە سەرەتاوە زانکۆ تاقانەکەی کوردستان لە سلێمانی بووە مەرکەزێکی گرنگی بزوتنەوەی کوردایەتی و سەنتەرێکی زانستی سەردەمی رژێمی بەعس هەر زوو کەوتە گەفکردن لە سلێمانی بۆ گەمارۆدانی "، وتەبێژی یەکێتی لەپەیامەکدا وایوتووە.

PUKMEDIA