شاڵاو کۆسرەت رەسوڵ سەردانی ژمارەیەک کەسایەتی دەکات

نوسینگەی رۆژنامەوانی شاڵاو کۆسرەت رەسوڵ

سەردانی شاڵاو کۆسرەت رەسوڵ بۆلای هونەرمەند ناسری رەزازی

لە قەزای دوکان شاڵاو کۆسرەت رەسوڵ سەردانی ماڵی هەریەک لە کوێخا مەحمودی کوێخا سمایلی تەلان و حەسەن کوێخا رەشید کوێخا سەعیدی کرد و  لە نزیکەوە لەتەندروستیانی پرسی و هیوای ساغ و سەلامەتی بۆ خواستن، هاوکات پرسەو سەرەخۆشی خۆی پێ راگەیاندن بۆ کۆچی دوایی کوێخا عەلی.

شاڵاو کۆسرەت رەسوڵ بەبایەخەوە باسی لەرۆڵ و پێگەی خانەوادەکانیان کرد کە هەمیشە رۆڵی دیارو بەرچاویان هەبووە لە چارەسەری پرسەکان. شاڵاو کۆسرەت رەسوڵ: هەڵوێستەکانی ناسڕی رەزازی جێگەی ستایشە

ناسری رەزازی هەمیشە لەبەرەی گەل بووە

پێشتریش ئێوارەی ١١/٥/٢٠٢٤ لە قەزای دوکان شاڵاو کۆسرەت رەسوڵ سەردانی هونەرمەند ناسر رەزازی کرد و ستایشی رابردووی هونەرمەندی گەورەی کورد ناسر رەزازی کرد كە هەمیشە بە هونەرەکەی خزمەتی دۆزی رەوای کوردی کردووەو پێشەنگی هونەری شۆڕشگێڕی بووەو هەمیشە لە بەرەی گەلدا بووە.

شاڵاو کۆسرەت رەسوڵ ستایشی هونەرمەندی گەورە ناسر رەزازی کرد کە جگە لەکاری هونەری، بە هەڵوێستەکانیشی لە بەرەی گەل بووەو داکۆکی لە مافە رەواکانی گەلی کورد کردووە.

لە بەرامبەردا هونەرمەند ناسر رەزازی سوپاسی سەردانەکەی شاڵاو کۆسرەت رەسوڵ-ی کردو بە گرنگیەوە باسی لە رۆڵی کاک کۆسرەت کرد لە شۆڕشی نوێ و دووپاتیشکردەوە کە کاک کۆسرەت هەمیشە هاوکارو پشتیوانی هونەرمەندان بووەو داوای کرد درێژە بەو کاروانە بدرێت.

PUKMEDIA