هێزی پێشمەرگە و سوپای عیراق و هاوپەیمانان کۆبونەوەی باڵا دەکەن

PUKMEDIA

دیمەنی کۆبوونەوەکە

ئەمڕۆ، ۱٨ ئایاری ۲۰۲٤، کۆبونەوەیەکی باڵا بە ئامادەبوونی لیوا رکن عومەر ساڵح حسن فەرماندەی گشتی هێزەکانی ۷۰ و وەهاب هەڵەبجەیی بەڕێوبەری گشتیی دژەتیرۆر و دیار عومەر جێگری فەرماندەی فەرماندەیی کۆماندۆ و سەرخێڵ کەمال بەڕێوەبەری بەڕێوەبەرایەتی ئۆپەراسیۆنەکانی دەزگای ئاسایش، لیوا رکن زاتیار حسین زوبێر یاریدەدەری ئۆپراسیۆنەکانی هێزەکانی ۷۰ و شاندێکی باڵای سەربازی سوپای عیراق بەسەرۆکایەتی لیوا رکن علي مشجل المالكي فەرماندەی ئۆپراسیۆنەکانی ڕۆژهەڵاتی سەڵاحەدین و ئامادەبونی هێزەکانی هاوپەیمانان لە بارەگای سەرەکی هێزەکانی ۷۰ بەڕێوەچوو.


لەکۆبونەوەکەدا جەخت لەسەر برەودانی زیاتر بە هەماهەنگی و کاری پێکەوەی نێوان هێزی پێشمەرگەی کوردستان و سوپای عێراق کرایەوە، ئەمەش لەپێناو پاراستنی ئاسایش و سەقامگیری ناوچەکە و پاراستنی لە هەڕەشەی تیرۆرستان، هەروەها ئەنجامدانی ئۆپراسیۆنی سەربازی هاوبەشی هێزی پێشمەرگە و سوپای عێراق بە مەبەستی کێوماڵ کردن و لەناوبردنی پاشماوەی تیرۆرستانی داعش بە تایبەت لەو ناوچانەی کە بۆشایی ئەمنی تێدایە و دەکەوێتە سنوری نێوان هێزی پێشمەرگەی کوردستان و سوپای عێراق.

تەوەرێکی دیکەی کۆبونەوەکە تایبەت بوو بە دەستگیرکردنی ئەو کەسانەی لە یاسا دەرچوون دەستگیر بکرێن و ڕادەستەی یاسای بکرێن  پەیوەست بەو بابەتانەش هەردوولا پلان و بەرنامەی خۆیان خستەڕوو، هەروەها تێبینی و سەرنج و ڕاو بۆچونەکان لەنێوان ئامادەبوانی کۆبونەوەکە بەوردی گفتوگۆیان لەبارەوەکرا.

PUKMEDIA