سەرۆککۆماری عیراق: پشتیوانی گەلی ئێرانین لەم بارودۆخە سەختەدا

نوسینگەی راگەیاندنی سەرۆکایەتی کۆمار

د. لەتیف جەمال رەشید سەرۆککۆماری عیراق

د. لەتیف جەمال رەشید سەرۆککۆماری عیراق پەیامێکی هاوخەمی ئاڕاستەی گەل و سەرکردایەتی ئێران دەکات و رایدەگەیەنێت: "هاوخەمی و هاوسۆزی بۆ رێبەری باڵای کۆماری ئیسلامی ئایەتوڵڵا سەید عەلی خامنەیی و سەرکردایەتی و گەلی ئێران دەردەبڕین و جەخت لەپشتیوانی عێراق بۆ گەلی ئێران دەکەینەوە لەم بارودۆخە سەختەدا".

دەقی پەیامەکە

بەغەم و پەژارەیەکی زۆرەوە هەواڵی کۆچی دوایی بەڕێز سەرۆکی ئێران ئایەتوڵڵا ئیبراهیم رەئیسی و ژمارەیەك لە لێپرسراوان لە روداوی کەوتنەخوارەوەی هێلیکۆپتەرەکەیانمان پێگەشت.

بەم بۆنە غەمناکەوە، هاوخەمی و هاوسۆزی بۆ رێبەری باڵای کۆماری ئیسلامی ئایەتوڵڵا سەید عەلی خامنەیی و سەرکردایەتی و گەلی ئێران دەردەبڕین و جەخت لەپشتیوانی عێراق بۆ گەلی ئێران دەکەینەوە لەم بارودۆخە سەختەدا.

لەخودای گەوره داواکارین لە هەموویان خۆشبێت و بە بەهەشتی بەرینیان شادبکات.

إنا للە وإنا الیە راجعون.

PUKMEDIA