سه‌رۆكوه‌زیرانی عیراق: یادی یه‌كێتی نوێكردنه‌وه‌ی خه‌باته‌ له‌ دژی سته‌م

PUKMEDIA

سه‌رۆكوه‌زیرانی عیراق و سه‌رۆكی یه‌كێتیی نیشتمانیی كوردستان

محه‌مه‌د شیاع سودانی سه‌رۆكوه‌زیرانی عیراق به‌ بۆنه‌ی چل و نۆیه‌مین ساڵیادی دامه‌زراندنی یه‌كێتی، پیرۆزبایی له‌ بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان ده‌كات.

محه‌مه‌د شیاع سودانی سه‌رۆكوه‌زیرانی عیراق له‌په‌یامی پیرۆزباییه‌كه‌یدا بۆ بافڵ جه‌لال تاڵه‌بانی سه‌رۆكی یه‌كێتیی نیشتیمانیی كوردستان ده‌ڵێت:"ساڵڕ‌ۆژی دامه‌زراندنی یه‌كێتی نیشتیمانیی كوردستان، له‌گه‌ڵیدا نوێكردنه‌وه‌ی یاده‌وه‌ریی خه‌باته‌ له‌دژی سته‌می ڕ‌ژێمی پێشوو،  قاره‌مانێتی رۆڵه‌كانی و خه‌باتی یه‌كێتییه‌ له‌ دژی سته‌م و بنیاتنانی بنه‌ماكانی ئازادی و دیموكراسی".

سه‌رۆك وه‌زیرانی عیراق له‌ په‌یامه‌كه‌یدا رۆڵ و به‌خششی خوالێخۆشبوو سه‌رۆك مام جه‌لال تاڵه‌بانی و هاوه‌ڵانی به‌بیرهێناوه‌ته‌وه‌ له‌به‌شدارییكردنی له‌گه‌ڵ هێزه‌ سیاسییه‌كانی دیكه‌ بۆ ئازادی و ڕرزگاری له‌ زوڵم و زۆرداری ڕرژێمی دیكتاتۆری و بنیاتنانی پایه‌كانی عیراقی نوێ". 

هه‌ر لە پەیامەکەیدا سه‌رۆكوه‌زیرانی عیراق هیوای سه‌ركه‌وتنی زیاتری بۆ سه‌رۆكی یه‌كێتی و سه‌ركردایه‌تی و سه‌رجه‌م كادره‌كانی خواست.

PUKMEDIA