سەرۆک بافڵ: یەکێتی بەپشتیوانی خەڵکەکەی دەچێتە هەڵبژاردنەوە

نوسینگەی رۆژنامەوانی سەرۆک بافڵ

بافڵ جەلال تاڵەبانی سەرۆکی یەکێتیی نیشتمانیی کوردستان و د.میران محەمەد ئەندامی سەرکردایەتی

سەرۆکی یەکێتیی نیشتمانیی کوردستان رایدەگەیەنێت:"یەكێتی پشتبەستوو بە خەڵكە دڵسۆزەكەی و پابەند بە بەرژەوەندییە نەتەوەیی و نیشتمانییەكان، دەچێتە هەڵبژاردنەوە و بەهیواوە بەرەو گۆڕانكاری لە حوكمڕانی و گەیشتن بە داهاتوویەكی گەشتر و دادپەروەرانەتر هەنگاو دەنێت".

بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان رایگه‌یاند:"له‌ده‌باشان پێشوازیم له‌ د.میران محه‌مه‌د ئه‌ندامی سه‌ركردایه‌تی كرد و پێكه‌وه‌ باسی ئاماده‌كارییه‌كانی یه‌كێتی بۆ هه‌ڵبژاردن و ئه‌ركه‌ حزبی و رێكخراوه‌ییه‌كانمان كرد". 

راشیگه‌یاند:"جه‌ختمان له‌ به‌ده‌مه‌وه‌چوونی داواكارییه‌كانی خه‌ڵك كرده‌وه‌و یه‌كێتی پشتبه‌ستوو به‌خه‌ڵكه‌ دڵسۆزه‌كه‌ی و پابه‌ند به‌ به‌رژه‌وه‌ندییه‌ نه‌ته‌وه‌یی و نیشتمانییه‌كان، ده‌چێته‌ هه‌ڵبژاردنه‌وه‌و به‌هیواوه‌ به‌ره‌و گۆڕ‌انكاری له‌حوكمڕ‌انی و گه‌یشتن به‌داهاتوویه‌كی گه‌شتر و دادپه‌روه‌رانه‌تر هه‌نگاو ده‌نێت، بۆ ئه‌مه‌ش پێویسته‌ سه‌رجه‌م ناوه‌ند و ئۆرگانه‌كان له‌و چوارچێوه‌یه‌دا هه‌وڵه‌كانیان چڕ‌تر بكه‌نه‌وه‌".

له‌دیداره‌كه‌دا سه‌رۆك بافڵ ستایشی رۆڵ و ماندووبوونی د.میران محه‌مه‌د-ی كرد له‌ ئه‌رك و به‌رپرسیارێتییه‌كانی رابردووی و داواشیكرد، له‌داهاتووشدا به‌ هه‌مان رۆحییه‌ت و دڵسۆزییه‌وه‌ درێژه‌ به‌ كار و خزمه‌ته‌كانی بدات، كه‌به‌دڵنیاییه‌وه‌ هه‌روا ده‌بێت و هه‌نگاوه‌كانی له‌خزمه‌ت ژیانی خه‌ڵكه‌ خۆشه‌ویسته‌كه‌مان و كوردستانی ئازیزدا بێت.

PUKMEDIA