دابه‌شكردنی مووچه‌ی مانگی ئایار ده‌ستیپێكرد

PUKMEDIA

دراوی عیراقی

سبەینێ ٩-٦-٢٠٢٤ وەزارەتی دارایی حکومەتی هەرێمی کوردستان دەست بەدابەشکردنی مووچەی مانگی ئایاری مووچەخۆرانی هەرێم دەکات و دابەشکردنەکە بە مووچەی خانه‌نشینانی مه‌ده‌نی و كه‌سوكاری شه‌هیدان و ئه‌نفالكراوان و خاوه‌ن پێداویستییه‌ تایبه‌ته‌كان دەستپێدەکات .

وه‌زاره‌تی دارایی حكومه‌تی هه‌رێمی كوردستان له‌ راگه‌یه‌نراوێكدا ئاماژه‌ بۆ ئه‌وه‌ده‌كات:"دوای گه‌یشتنی بڕ‌‌ی ١٠٧ ملیار دینار له‌لایه‌ن وه‌زاره‌تی دارایی عیراقی فیدراڵه‌وه‌ بۆ سه‌ر هه‌ژماری بانكی وه‌زاره‌تی دارایی و ئابوری هه‌رێمی كوردستان له‌ڕ‌‌ۆژی پێنج شه‌ممه‌ (٢٠٢٤/٦/٦ ) وه‌ك شایسته‌ی مووچه‌ی مانگی ئایاری خانه‌نشینانی مه‌ده‌نی و كه‌سوكاری شه‌هیدان و ئه‌نفالكراوان و خاوه‌ن پێداویستییه‌ تایبه‌ته‌كان، ڕ‌‌ۆژی یه‌كشه‌ممه‌ (٢٠٢٤/٦/٩ ) مووچه‌ی مانگی ئایاری خانه‌نشینانی مه‌ده‌نی و كه‌سوكاری شه‌هیدان و ئه‌نفالكراوان و خاوه‌ن پێداویستییه‌ تایبه‌ته‌كان دابه‌شده‌كرێت. "

له‌ راگه‌یه‌نراوه‌كه‌ی داراییدا هاتووه‌:"دوای گه‌یشتنی ته‌مویلی وه‌زاره‌ت و دام و ده‌زگاكانی تر له‌لایه‌ن وه‌زاره‌تی دارایی حكومه‌تی فیدراڵه‌وه‌، ڕ‌‌استه‌وخۆ خشته‌ی مووچه‌ی ئه‌و دام و ده‌زگایانه‌ش ڕ‌‌اده‌گه‌یه‌نرێت".

PUKMEDIA