جێگری سەرۆكی هەرێم و كونسوڵی ئەمریكا: هەڵبژاردن لەوادەی خۆیدا بكرێت

نووسینگەی راگەیاندنی شێخ جەعفەر شێخ مستەفا

شێخ جەعفەر شێخ مستەفا جێگری سەرۆكی هەرێم و ستیڤن بیتنەر كونسوڵی نوێی ئەمریكا لەهەرێم

شێخ جەعفەر شێخ مستەفا جێگری سەرۆكی هەرێمی كوردستان و ستیڤن بیتنەر كونسوڵی گشتی نوێی ئەمریكا لە هەرێمی كوردستان تەئكید دەكەنەوە كەپڕۆسەی هەڵبژاردنی پەرلەمانی كوردستانلە كەشێكی ئارام و دیموكراسی لە كاتی دیاریكراوی خۆیدا بەڕێوەبچێت.

لە كۆبوونەوەكەیەكی رۆژی 20/8/2024ی نێوان جێگری سەرۆكی هەرێم و كونسوڵی گشتی ئەمریكا لە هەرێم باس لە برەودان بە پەیوەندییەكانی ئەمریكا لەگەڵ عیراق و هەرێمی كوردستان و پێشهاتە سیاسی و ئەمنییەكانی ناوچەكە  كراوە و  بەرەنگاربوونەوەی هەڕەشە و مەترسییەكانی داعش، پڕۆسەی چاكسازیی و ‏یەكخستنەوەی پێشمەرگە تاوتوێكران.

 هەردوولا هاوڕابوون كە دەبێت كێشەكانی نێوان بەغدا و هەولێر بە گفتووگۆ لە چوارچێوەی دەستوور چارەسەر بكرێن، تەئكیدیشكرایەوە كە هەڵبژاردنی پەرلەمانی كوردستان و لە كەشێكی ئارام و دیموكراسیانە و لە كاتی دیاریكراوی خۆیدا بەڕێوەبچێت.

PUKMEDIA