هەردی سەڵاح: یەکێتی کۆتایی بەدەسەڵاتی خۆسەپێن دەهێنێت

ئاژانسەکان

هەردی سەڵاح

راوێژکارێکی مەکتەبی سیاسی یەکێتی دەڵێت: "لە سنوری پارتی هیچ رۆژنامە و تەلەفزیۆن و دەنگێکی ئازاد دروست نابێت و بۆکۆتایی هێنان بەم دەسەڵاتە تاکڕەوە خۆسەپێنە پێویستە یەکێتی هێزی یەکەم بێت و ئەمەش بە هیمەتی دەنگدەران دەبێت".

هەردی سەڵاح راوێژکاری مەکتەبی سیاسی یەکێتیی نیشتمانیی کوردستان لە کۆنگرەیەکی رۆژنامەوانیدا رایگەیاند: "لە سنوری حوکمڕانی پارتی دیموکراتی کوردستان بەتایبەت لە بادینان هەر کەسێک هەر بنەماڵەیەک هەر خانەوادەیەک هەر هۆز و عەشیرەتێک لەگەڵ پارتی نەبوبێت دەستیان خستوەتە بینی و هیچ باوەڕیان بە ئازادی نییە و هیچ رۆژنامە و تەلەفزیۆن و دەنگێکی ئازاد دروست نابێت".

"بەبەڵگە لامانە کەهەرچی نهێنی و تایبەتمەندی تاکەکەسی هەیە کەلەناو موبایلدا هەڵدەگیرێت ئەوان چاودێری دەکەن و بەهەموو جۆرێک رێگری لە ئازادی دەکرێت، دەبێت بۆ رێگری کردن لەم حزبە تاکڕەوە دەنگدەران هیمەت بکەن و دەنگ بدەنە یەکێتی و پێکەوە کۆتایی بەم دەسەڵاتە خۆسەپێنە بهێنین"، هەردی سەڵاح وای وت.

راوێژکارەکەی مەکتەبی سیاسی وتیشی: "هیوامان بە چونەوە لۆمارێی پارتی هەیە و لەئێستاوە داهاتوویان دیارە، یەکێتی بێدەنگ نابێت لە دزی و گەندەڵی، یەکێتی هاواری خەڵکی بەشەرەفی کوردستانە و ئومێدیان پێمانە، یەکێتیش لەپێناو خەڵکدا تێدەکۆشێت".

ئەوەش دەڵێت: "ئومێدەوارین سبەینێ لە دەڤەری راپەڕین خرۆشانێکی جەماوەری رووبدات و خەڵک دڵنیایە لەوەی وتارەکانی سەرۆک بافڵ هەمووی گرنگ و گوێی بۆ ڕادەگرن".

PUKMEDIA