شێخ جەعفەر: گۆرانکاری لەدەسەڵات بەراپەڕینی دەنگدان بەیەکێتی دەبێت

PUKMEDIA

شێخ جەعفەر شیخ مستەفا

شێخ جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان رایدەگەیەنێت:" یەکێتی یەکهێزەو دەتوانێت  گۆرانکاری لەدەسەڵاتدا بکات و بۆ ئەوەش راپەرینی دەنگدانی دەوێت بۆ لیستی یەکێتی ژمارە 129".

لەکۆبونەوەیەکی جەماوەری دا لەناحیەی سێوسێنانی قەرەداغ کە  سەرکەوت زەکی ئەندامی مەکتەبی سیاسی و ژمارەیەک لە لێپرسراوانی حزبی ناوچەکە ئامادەیبوون،  شێخ جەعفەر  باسی لە کەموکورتییەکانی حوکمڕانی هەرێم کردو وتی:" گۆرانکاری لە دەسەڵات پێویستی کارکردنی جددی هەیە و ئەو ئەرکە بەهێزێکی وەک یەکێتی دەکرێت". 

هەوەک رایگەیاند:" یەکێتی یەکدەنگ و یەکهەڵوێستە و خاوەنی سەرۆک و بەرنامە و تێڕوانینی راست و رەوانی خۆیەتی، بۆیە  دەتوانێت ئەرکی گۆڕانکاریی لەشێوازی حوکمڕانی بەئاراستەی باشترکردنی باروگوزەرانی خەڵک جێبەجێ بکات".

وێرای وەبیرهێنانەوەی خەبات و قوربانیدانی ناوچەکە لە شۆرشی نوێدا، هانیدان بۆ بەهێزکردنی ئیرادەی گۆڕینی دەسەڵات، لە رۆژی 20ی مانگدا راپەڕینێکی دەنگدان بەرپابکەن و بەشێوەیەکی بەرفراوان دەنگ بدەن بەلیستی 129ی یەکێتی وکاندیدە دڵسۆزەکانی.

PUKMEDIA