سەرۆک بافڵ دەڵێت: سبەی لە هەولێر وەڵامیان دەدەمەوە

PUKMEDIA

سەرۆک بافڵ و لیستی ١٢٩ی یەکێتی

لیستی یەکێتیی نیشتمانیی کوردستان ژمارە ١٢٩ کۆتا کەرنەڤاڵی بانگەشە لە پارێزگای هەولێر دەکات و سەرۆک بافڵ تاڵەبانی: "لە پایتەختەوە پەیامی نوێی دەبێت، پێشتریش لە کەرنەڤاڵی لیستی 129 لە گەرمیان وتی:" لە هەولێر وەڵامی ئەوانە دەدەمەوە کە دەپرسن کۆتایی بەچی دەهێنین و لە کەرنەڤاڵی بادینانیش دووپاتیکردەوە کە سبەی وەڵامی ئەوانە دەدەمە کە کۆتایی بەچی دەهێنین".

بە گوێرەی راگەیەندراوێکی وتەبێژی رەسمی لیستی ١٢٩ـی یەکێتی کە وێنەیەکی بۆ PUKMEDIA نێردراوە ئاشکرایدەکات:" یەکێتی حەوتەمین و کۆتا کەرنەڤاڵی فراوانی خۆی بۆ بانگەشەی هەڵبژاردنی خولی شەشەمی پەرلەمانی کوردستان بۆ ساڵی ٢٠٢٤، لە هەولێری پایتەخت ئەنجام دەدات".

لەو کەرنەڤاڵەدا، سەرۆک بافڵ جەلال تاڵەبانی، سەرۆکی یەکێتیی نیشتمانیی کوردستان، وتارێک پێشکەش بە هاووڵاتیانی هەولێری پایتەخت و یەکێتییەکان و هاووڵاتییانی هەرێمی کوردستان دەکات. 

"کۆتایی بە دەسەڵاتی خۆ سەپێن دەهێنین." دروشمێکی سەرەکی لیستی یەکێتی 129 یە و کۆتا کەرنەڤاڵیش لە مەکتەبی سیاسیی یەکێتیی نیشتیمانیی کوردستان، سەر ڕێگەی سەرەکیی کەرکوک دەبێت لە سەعات 3:00 پاشنیوەرۆ.

PUKMEDIA