عیماد ئەحمەد: کۆتاییهێنان بە زوڵم و جیاکاری تەنها بەیەکیتی دەکرێت

PUKMEDIA

عیماد ئەحمەد لە بازنەی هەڵبژاردنی توویمەلیک

عیماد ئەحمەد ئەندامی مەکتەبی سیاسی ، لێپرسراوی مەکتەبی راگەیاندن و هۆشیاری بازنەی هەڵبژاردنی تووی مەلیکی سەرخستنی لیستی ١٢٩ یەکێتی بەسەرکردەوەو لەو سەردانەدا عیماد ئەحمەد وێڕای دەست خۆش و دەربڕینی سوپاس و پێزانین بۆ هەڤاڵان و لایەنگران و دڵسۆزان و خەڵکی سلێمانی لە بەرامبەر پەرۆشیان بۆ سەرخستنی یەکێتی و پشتگیریکردنیان بۆ راستکردنەوەی رێڕەوی حکومڕانی ووتی ئەم پەرۆشییە  سورترمان دەکات کە لە خزمەتکردنی هەرێمەکەمان و خەڵکەکەمان بێ درێغ خزمەتکاربین و کاربکەین بۆ هێنانەدی ئامانجەکانیان .

عیماد ئەحمەد وتیشی پرسیار زۆر دەکرێت بۆ لەم قۆناغەدا یەکێتی وەک تاکە هێز دروشم و داواکاری و خواستەکانی هاووڵاتیانی هەڵگرتووەو پێشڕەوایەتی جێبەجێکردنیان دەکات وەڵامەکەی ئاسانە چونکە کۆتایهێنان بە دەسەڵاتی خۆسەپێنی ، رووخانی زوڵم ، جیاکاری ، نادادی تەنها بە هێزێکی نیشتمانیی ، کوردستانی وەک یەکێتی دەکرێت ووتیشی تاکە ئومێد مابێت لەبەردەماندا بۆ باڵانسی هێز و گەڕانەوەی شکۆ بۆ خەڵک و هەرێمەکەمان یەکێتییە کە شانی داوەتە بەردەم راپەڕاندنی ئەرکە سەختەکان و جێبەجێشی دەکەین .

لە بەشێکی تری وتارەکەیدا عیماد ئەحمەد ئاماژەی بەوەدا پەیام و ستراتیژی یەکێتی روون و ئاشکرایەو سەرۆک بافڵ جەلال تاڵەبانی قسەی تاک بەتاکی خەڵکی خۆشەویستی کوردستان لە زاخۆوە تا خانەقین بە رەوانی گەیاندە هەموولایەک ، بۆیە ئەرکمانە  پێکەوە بە یەک دەست هەموومان  ئەم ئەرکە بگەیەنینە  جێ و  بەرنامەیەکی نوێی  خزمەتکردن جێبەجێ دەکەین بە ویستی خەڵک و بەهێزترکردنی هەرێمەکەمان .

PUKMEDIA