رەفعەت عەبدوڵڵا: یەکێتی کۆتایی بەخۆسەپێنی دەهێنێت

PUKMEDIA

بەڕێوەچوونی بانگەشەی هەڵبژاردن

رەفعەت عەبدوڵا سەرپەرشتیاری بازنەی سلێمانی لیستی یەکێتی ژمارە ١٢٩ دەڵێت:"ئامانجی سەرەكی یەكێتی گۆڕین و ڕاستكردنەوەی ڕێڕەوی حوكمڕانیە لەكوردستان و كۆتایهێنانە بەحكومەتی خۆسەپێن" بۆ ئەو ئەرکەش داوایکرد:" لەڕۆژی هەڵبژاردندا سندوقەكانی دەنگدان سەوزپۆش بكەین". 


ئەم وتانەی رفعەت عەبدوڵا لەمیانی چەند چالاکی و سەردان و کۆبوونەوەی رێکخراوەییدا بوو، سەبارەت بە هەڵبژاردن و گۆرانکارییەکان و سەرخستنی لیستی یەکێتی ١٢٩ و رایگەیاند:" یەکێتی هێزی گۆرانکاریی راستەقینەی ئەم قۆناغەیە و بەپشتیوانی دەنگدەران دەتوانێت کۆتایی بەم حوکمڕانیە چەوت و خۆسوپێنە بهێنێت". 

 هەروەک رایگەیاند:"  ئەم حكومەتە نەیتوانیوە خزمەت بە بەهیچ چین و توێژێكی ئەم كۆمەڵگەیە بكات،" تەئكیدیشیكردەوە سیاسەتی ئێستای یەكێتی، ئامانجی سەرەكی خزمەتكردنی تەواوی هەموو خەڵك و چین و توێژەكانە. 

سەرپەرشتیاری بازنەی سلێمانی لیستی ١٢٩ی یەكێتی لەو چالاکیانەدا رایگەیاند :" بەرنامەی ئەمجارەی یەکێتی بۆ خزمەت و خزمەتگوزاری هەموو هەرێمە بەبێ جیاوازی و جیاکاری.

PUKMEDIA