كەمێكیتر كەرنەڤاڵی لیستی یەكێتی لەهەولێر بەڕێوەدەچێت

PUKMEDIA

سەرۆک بافڵ و لیستی ١٢٩ی یەکێتی

كەمێكیتر بە ئامادەبوونی بافڵ جەلال تاڵەبانی سەرۆكی یەكێتیی نیشتمانیی كوردستان، كۆتا كەرنەڤاڵ و بانگەشە بۆ لیستی ١٢٩ ی یەكێتی لە هەولێر بەڕێوەدەچێت و لەپەیامێكدا سەرۆك بافڵ وەڵامی ئەوانە دەداتەوە كە دەپرسن كۆتایی بەچی دەهێنن.

ئەمڕۆ ١٥-١٠-٢٠٢٤، لە ناو ئاپۆڕای جەماوەرو لایەنگرانی یەكێتی لە بارەگای مەكتەبی سیاسی یەكێتیی نیشتیمانیی كوردستان لەهەولێر حەوتەمین و كۆتا كەرنەڤاڵی فراوانی حزبەكە بۆ بانگەشەی هەڵبژاردنی خولی شەشەمی پەرلەمانی كوردستان بۆ ساڵی ٢٠٢٤،  ئەنجامدەدرێت و تێیدا سەرۆك بافڵ جەلال تاڵەبانی، سەرۆكی یەكێتیی نیشتمانیی كوردستان، وتارێك پێشكەش بە هاووڵاتیانی هەولێری پایتەخت و یەكێتییەكان و هاووڵاتییانی هەرێمی كوردستان دەكات. 

بافڵ جەلال تاڵەبانی سەرۆكی یەكێتیی نیشتمانیی كوردستان لەماوەی بانگەشەدا حەوت كەرنەڤاڵی گەورەی بۆ ناساندنی كاندیدەكانی لیستی ١٢٩ـی یەكێتیی نیشتمانیی كوردستان لە پارێزگا و قەزا و ناحیەكان ئەنجامداوە و لەسەرجەم كەرنەڤاڵەكاندا تەئكیدی كردووەتەوە كە بەپشتیوانی خەڵكی هەرێمی كوردستان كۆتایی بە دەسەڵاتی خۆسەپێن و گەندەڵ و جیاكار و نادادپەروەر دەهێنین، بۆئەمەش پشتیوانی خەڵكی هەرێمی كوردستانمان دەوێت و داوایان لێدەكات لە رۆژی ٢٠ـی ١٠ـی ٢٠٢٤، سندوقەكانی هەڵبژاردن سەوزپۆش بكەن و یەكێتیی نیشتمانیی كوردستان بكەنە هێزی یەكەم لە هەرێمی كوردستان، چونكە لەرابردوودا سەلمێندراوە هەركاتێك سەرۆكی حكومەت لای یەكێتی بووبێت خەڵك لەخۆشگوزەرانیدابوون.

PUKMEDIA