دادگا هەر سێ تۆمەتباری سوتاندنی بازاڕی قەیسەری كەركوكی ئازاد كرد

ئاژانسەكان

سوتانی بازاڕی قەیسەری كەركوك

بەهۆی نەبوونی بەڵگەی پێویست و ساغنەبوونەوەی ئەو تۆمەتانەی ئاڕاستەیان كرابوو، دادگای تێهەڵچوونەوەی رەسافە ئەو سێ كەسەی ئازادكرد، كە بە تۆمەتی سووتاندنی بازاڕی قەیسەری كەركوك دەستگیركرابوون.

بەگوێرەی بڕیارێكی دادگای تێهەڵچوونەوەی رەسافە، بەهۆی نەبوونی بەڵگەی پێویست و ساغنەبوونەوەی ئەو تۆمەتانەی ئاڕاستەیان كراوە، دادگای ناوبراو بڕیارداوە بە ئازادكردنی ئەو سێ كەسەی بە تۆمەتی سوتاندنی بازاڕی قەیسەری كەركوك دەستگیركرابوون.

هەر بە گوێرەی بڕیارەكە كە وێنەیەكی بۆ PUKMEDIA نێردراوە، ئەو ئۆتۆمبێل و مۆبایلانەی لەكاتی دەستگیركردنی ئەو كەسانەی دەستیانبەسەرداگیراوە، رۆژی 23ـی ئەم مانگە تەسلیم بە ناوبراون دەكرێنەوە.

ئەوەش لەدوای ئەوەدێت، رۆژی 19ـی مانگی ئادار ئاگرێكی گەورە لە بازاڕی قەیسەری كەركوك كەوتەوەو بەهۆیەوە زیاتر لە 100 دوكان سووتان، دواتریش هێزە ئەمنییەكانی كەركوك لێكۆڵینەوەیان لە روداوەكە دەستپێكردو ژمارەیەك كەسیان دەستگیركرد. 

باڵێكی دەستڕۆیشتوی ناو پارتیش دامەزراوە ئەمنییەكانی بەكارهێنا بۆ داتاشینی سیناریۆو لەڕێی میدیاكانییەوە كەوتە بڵاوكردنەوە سیناریۆكەو تۆمەتباركردنی یەكێتیی نیشتمانیی كوردستان.

PUKMEDIA

دەقی بڕیارەكەی دادگای رەسافە: