ئاسایش تەقەکەرەکەی شەوی رابردووی چەمچەماڵ دەستگیردەکات

PUKMEDIA

لۆگۆی ئاسایش

بەڕێوەبەرایەتی ئاسایشی ڕۆژئاوای سلێمانی تۆمەتباری ڕووداوی تەقەکردنەکەی شەوی ڕابردووی قەزای چەمچەماڵ دەستگیردەکات.

ئاسایشی سلێمانی لە راگەیەندراوێکدا کە کۆپییەکی بۆ PUKMEDIA نێردراوە رایگەیاندوە: "دوای ئەوەی شەوی ڕابردوو ٢٠٢٤/١١/١٥ بەهۆی کێشەی کۆمەڵایەتی، لەگەڕەکی ئاشتی لە قەزای چەمچەماڵ دوو چەکدار کە ماتۆڕ سکیلێکیان پێبووە، تەقە لەماڵی هاوڵاتیەک دەکەن و هەڵدێن، دوای لێکۆڵینەوە و بەدواداچونی هێزەکانی ئاسایشی ڕۆژئاوای سلێمانی، بەبڕیاری دادوەری لێکۆڵینەوەی ئاسایش، توانرا شوێنی تۆمەتباران دەستنیشان بکرێت و هەردوو تۆمەتبار دەستگیربکرێن و دەستگیرا بەسەر چەکەکەیاندا".

"لەئێستادا تۆمەتباران بە ماددەی(١٥)چەک دەستگیرکران و لێکۆڵێنەوە لەدۆسیەکانیان بەردەوامە، هاوکات بەڕێوەبەرایەتی ئاسایشی رۆژئاوای سلێمانی، بەردەوامن لەهەڵمەتەکانی دەستبەسەرداگرتنی ماتۆڕسکیلی بێسەرەتا، لەپێناو سەقامگیری و ئارامی زیاتر لەقەزای چەمچەماڵ"، لەراگەیەندراوەکەی ئاسایشدا واهاتووە.

PUKMEDIA