دانیشتنی پەرلەمانی کوردستان بە کراوەیی دەمێنێتەوە

PUKMEDIA

پەرلەمانی کوردستان

بەهۆی تەواونەبونی رێژەی یاسایی پەرلەمانتارانی خولی شەشەمی پەرلەمانی کوردستان، دانیشتنەکە بۆ ماوەیەک پشووی وەرگرتوو و دوای ئەوەی چەندین جار زەنگی چونە ژورەوەی پەرلەمان لێدرا بۆ دانیشتنەوەو دەنگ لەسەر هەڵبژاردنی سەرۆک و جێگر و سکرتێری پەرلەمان، بەهۆی ئامادەنەبونی پەرلەمانتاران دانیشتنەکە بە کراوەیی مایەوە.

پاش نیوەڕۆی ئەمڕۆ دووشەممە 2-10-2024 بە بەشداری 97 کاندید یەکەم دانیشتنی خولی شەشەمی پەرلەمانی کوردستان بە سەرۆکایەتی بەتەمەنترین پەرلەمانتار دەستیپێکرد و ژمارەیەک ئەندام خۆیان پاڵاوت بۆ کاندیدی سەرۆک و جێگر و سکرتێری پەرلەمان، لە گوڕی یەکەمدا بەهۆی ئامادەنەبونی رێژەی یاسایی پەرلەمانتاران دانیشتنەکە پشویەکی وەرگرت، دواتر پاش چەندین جار لیدانی زەنگی چونە ژورەوە بۆ تەواوکردنی دانیشتنەکە، بەهۆی ئامادەنەبونی پەرلەمانتاران و تەواونەبونی رێژەی یاسایی، دانیشتنەکە بە کراوەیی مایەوە.

یەكێتیی نیشتمانیی كوردستان لەهەڵبژاردنی خولی شەشەمی پەرلەمانی كوردستاندا كە رۆژی 20ـی 10می 2024 بەڕێوەچوو، توانی 23 كورسی پەرلەمان بەدەستبهێنێت، كە لەبازنەی سلێمانی 15 كورسی و لەبازنەی پارێزگای هەولێر 6 كورسی و لەبازنەی دهۆك 1 كورسی و لەبازنەی  هەڵەبجەش 1 كورسی بوو.

PUKMEDIA