بە دروشمی لە پێناوی شکۆی وشە، گەلاوێژ بەردەوامە

هەژماری رەسمی ٢٧ هەمین فێستیڤاڵی نێودەوڵەتی گەلاوێژ

٢٧ هەمین فێستیڤاڵی نێودەوڵەتی گەلاوێژ

بە دروشمی (لە پێناوی شکۆی وشە، گەلاوێژ بەردەوامە)شاری سلێمانی باوەش بۆ  ٢٧هەمین فێستیڤاڵی گەلاوێژ دەکاتەوە، سەرۆکی بنکەکەش دەڵێت:" فێستیڤاڵەکە میوانداری  ١٢ توێژەری کورد و فارس و عەرەب دەکات و خەڵاتی زێڕین دەبەخشرێتە براوەی یەکەمی پێشبرکێی ئەدەب".

ئیبتسام ئیسماعیل سەرۆکی بنکەی گەلاوێژ بە وێبسایتی رەسمی یەکێتیی نیشتمانیی کوردستان PUKMEDIA رایگەیاند:" بڕیارە سبەینێ ٥ -١٢ -٢٠٢٤ بە بەشداری چەندین میوان لەسەر ئاستە جیاوازەکانی جیهان فێستیڤاڵی گەلاوێژ دەستپێبکات و خەڵاتەکانی فێستیڤاڵەکە لەسەر ئاستی هونەری و ئەدەبی دابەشبکرێت بەسەر براوەی یەکەمی خەڵاتەکان".

" کارەکانی فێستیڤاڵەکە لەڕۆژی ٥ ی١٢ هەتا ٧ ی١٢ بەردەوام دەبێت، پێشانگایەکی کتێبیش دەکرێتەوە کە چەندین ناونیشانی گرنگ لە چەندین وڵات لە خۆدەگرێت، وێڕای کردنەوەی پێشانگایەک بۆ کاری دەستی ژنان".

سەرۆکی بنکەی گەلاوێژ ئاماژەی بەوەشکرد:" فێستیڤاڵەکە دوو خەڵاتی زێڕین دەبەخشێت یەکەمیان بە براوەیەکی کورد و دووەمیان بە براوەیەکی بیانی، هاوکات فێستیڤاڵەکە چەندین بابەتی شیعر و چیرۆک و رەخنە و گفتووگۆ لەسەر بابەتی فکری هەمەجۆر لە خۆدەگرێت".

فێستیڤاڵی گەلاوێژ کە هەڵگری ناوێکی نێودەوڵەتییە و ٢٧هەمین خولی خۆی ئەنجام دەدات و لەلایەن یەکێتیی نیشتمانیی کوردستان بودجەی فێستیڤاڵەکە تەرخان دەکرێت بۆ ئەمساڵیش ١٨٠ کەسایەتی ئەدەبی بەشداری فێستیڤاڵەکە دەکەن.

 ناو بەشدارانی 27هەمین ڤێستیڤاڵی نێودەوڵەتی گەلاوێژ بۆ هەرسێ بواری لێکۆڵینەوەو چیرۆک و شیعر لەلایەن لیژنەی سەرپەرشتیارەوە بڵاو کرایەوە، کە بابەتەکانیان لەلایەن لیژنەی هەڵسەنگاندنەوە پەسەند کراون. بەرهەمە پەسەندکراوەکانی بیستوحەوتەمین فێستیڤاڵی نێودەوڵەتی گەلاوێژ
 

لێکۆڵینەوە:

  * ڕه‌هه‌نده‌كانی گه‌شه‌سه‌ندنی كوردناسی له‌ جیهاندا- كارزان محەمەد- سلێمانی 
* بۆ گەڕانەوە و دامەزراندنی چەمکێکی نوێی ڕەخنەیی لە ڕەخنەی ئەدەبی کوردیدا- محەمەد نەبی- سۆران
* لێكدانەوەی زمان و ڕەگەز لە كۆمەڵە شیعری (ئەڤین و جەنگ)ی بەیان سەلماندا بەسود وەرگرتن لە تێوری DSL- سەروەر سەعدوڵڵا ساڵح- چەمچەماڵ
* داگیرکرنا هزر و کەلتوورێ کوردان ل دویڤ بنەمایێن تیۆرییا مستەفا حیجازی- ڕێبەر کوردۆ- دهۆک
* چۆنیەتی نیشاندانی وێنەی ژن لە فیلمی کوردی.. بە نموونە فیلمی (دایکە ئەلیف)- هێشوو فاتیح محەمەد- سلێمانی
* کارەسات؛ نواندنەوە و گێڕانەوەی لە سینەمای کوردستان.. خوێندنەوەی چەند نمونەی فیلمی سەبارەت بە کارەساتی ئەنفال- ئەمجەد غوڵامی، ئەمیر غوڵامی- بۆکان
* دەرباری مەحاڵیتیی ئازادی لە فەلسفەی هیگڵدا- شکار وه‌فا محمود- سلێمانی

چیرۆک:

  * پەنجەرەی ڕەش- عزەدین مستەفا نەجمەدین- هەولێر
* چەمگول- کاهین کانی- دهۆک
* مەحكوم- ڕەنج ڕەسوڵ ڕەزا- چەمچەماڵ
* نووح- سوهەیب عەلی- مەریوان
* زایەڵەی سێبەرێک- محەمەد عەبدولکەریم- سلێمانی
* دوای خاڵدار که‌وتم- عادل قادری- جوانڕۆ
* تۆو- چیا پەرویزپوور- سنە
 

شیعر:

* دواهه‌مین ماڵئاوایی سه‌ربازێك- سه‌ردار قادر- سلێمانی
* ئێسک- سۆران محه‌مه‌ده‌سووره- سۆران
*گرێ لەزارم بکەوە- میلاد ئەمانوڵڵایی- سەقز
*دەمێ نشتیمان دبتە نان- مللەت محەمەد موحسین- دهۆک
*٩ شیعر- موحسین حوسێنخانی- کرماشان
*پەنجەرەیەک شمشاڵ بۆ خەونی با دەژەنێ- ئەکرەم هەواس- خانەقین
*خەڵوەتگەی ڕۆحیانەتی شەوە بیابانییەكانی لم- دڵشاد کاوانی- شەقڵاوە
*گوێیەک لە ئاسن- محەمەد عومەر- کەلار
*پۆرترێتی ڕیقنەکان- کەریم شەریف- کەلار
*تریفەی  مانگە شەو- ناسیح ئەدیب- سلێمانی