زانكۆی سلێمانی لەسەر ئاستی 238 زانكۆ پلەی (71-80) بەدەست دەهێنێت

PUKMEDIA

دەروازەی زانکۆی سلێمانی

بەگوێرەی دامەزراوەی تایمز بۆ خوێندنی باڵا، زانكۆی سلێمانی لەسەر ئاستی 22 وڵات و 238 زانكۆی عەرەبی پلەی (71-80) ی بەدەستهێناوە.

لەڕاگەیەندراوێكی زانكۆی سلێمانی كەكۆپییەكی بۆ PUKMEDIA نێردراوە راگەیەندراوە: "زانكۆی سلێمانی لە ریزبەندیی زانكۆ عەرەبییەكان  Arab University Rankings 2024 دا، كە لەلایەن دامەزراوەی (تایمز بۆ خوێندنی باڵا – Times Higher Education) ەوە ئەنجام دەدرێت، پلەی (71-80)ی لەكۆی (238) زانكۆی بەشداربووی وڵاتانی عەرەبی بەدەست هێناوە".

ئاماژە بەوەشدراوە: "ریزبەندی زانكۆ عەرەبییەكان یەكێكە لە ریزبەندییەكانی دامەزراوەی تایمز بۆ خوێندنی باڵاو بە پشتبەستن بەچەند پێوەرێك هەڵسەنگاندن بۆ ئاستی زانكۆكانی بیست و دوو وڵاتی عەرەبی دەكات".
پێوەرەكان بریتین لە:

Teaching  (ژینگەی فێربوون)
ناوبانگی وانەوتنەوە (لەڕێی ڕاپرسییەوە ئەنجام دەدرێت)
رێژەی بڕوانامەی دكتۆرای بەخشراو بەبەراورد بە ژمارەی مامۆستایان
رێژەی مامۆستایان بەبەراورد بە خوێندكاران
رێژەی بڕوانامەی دكتۆرای بەخشراو بەبەراورد بە بڕوانامەی بەكالۆریۆس
داهاتی زانكۆ بەپێی ژمارەی مامۆستایان
Research Environment (ژینگەی توێژینەوە)
ناوبانگی توێژینەوەكان (لەڕێی راپرسییەوە ئەنجام دەدرێت)
ژمارەی توێژینەوەكان بەبەراورد بە ژمارەی مامۆستایان
پارەی تەرخانكراو بۆ توێژینەوە بۆ هەر مامۆستایەك
Research Quality (كوالیتیی توێژینەوەكان)
بەهێزیی توێژینەوەكان
ئاستبەرزیی توێژینەوەكان
كاریگەریی توێژینەوەكان
International Outlook (بەنێودەوڵەتیبوون)
رێژەی خوێندكارانی نێودەوڵەتی
رێژەی مامۆستایانی نێودەوڵەتی
توێژینەوەی هاوبەشی نێودەوڵەتی
هەمەئاهەنگیكردن لەنێو جیهانی عەرەبیدا
Society (كاریگەریی لەسەر كۆمەڵگە)
داهاتی توێژینەوە بۆ هەر مامۆستایەك
بەشداریكردن لە رانكینی كاریگەری
پێگە لەرانكینی كاریگەری

ئەوەشخراوەتەڕوو: "لەریزبەندییەكەدا، هەڵسەنگاندن بۆ زانكۆكانی هەریەك لەوڵاتانی جەزائیر، بەحرەین، كۆمۆرۆس، جیبووتی، میسر، عیراق، ئەردەن، كوەیت، لوبنان، لیبیا، مۆریتانیا، مەغریب، عومان، فەڵەستین، قەتەر، سعودیە، سۆماڵ، سودان، سوریا، تونس، ئیماراتی یەكگرتووی عەرەبی و یەمەن كراوە.

بۆ بینینی ئەنجامەكان لە پەڕەی رەسمی دامەزراوەی تایمز، كلیك لێرە بكە.

PUKMEDIA