دابەشکردنی زەوی لە شارەوانی سلێمانی دەستپێدەکاتەوە

شارەوانی سلێمانی

دابەشکردنی زەوی لەلایەن شارەوانی سلێمانییەوە

وابڕیارە سبەینێ سێ شەممە پێدانی زەوی لەلایەن شارەوانی سلێمانییەوە دەستپێبکاتەوەو هەر کەسێک سودمەند نەبووبێت لە زیندانیانی سیاسی سبەینێ دەتوانێت بەشداری بکات و بە تیروپشک دەبێت.

سەردەشت رەفیق بەڕێوەبەری ڕاگەیاندنی سەرۆکایەتی شارەوانی سلێمانی بە وێبسایتی رەسمی یەکێتیی نیشتمانیی کوردستان PUKMEDIA ی ڕاگەیاند: ئاگاداری ئەو زیندانیانی سیاسی دەکەینەوە کە پێشتر فەرمانی پێدانی زەوییان بۆ دەرچووە لە وەجبەکانی (6،7،8) و مینحەی مانگانەی 10 ساڵەکەیان وەرگرتووە، تا ئێستا نەهاتوون بۆ وەرگرتنی زەوییەکەیان، سبەینێ سێشەممە سەعات 9:00ی سەرلەبەیانی لە هۆڵی رۆشنبیری ئامادەبن بۆ وەرگرتنی زەویی نیشتەجێبوون".

"پێدانی زەوییەکان بەشێوەی تیروپشک دەبێت و، ئەوەی سوومەند نەبووبێت پێدانی زەوی دەیگرێتەوە، هاوکات ئەوەش رادەگەیەنین، بەهۆی زۆری مامەڵەی هاووڵاتییان و ئەوەی نامانەوێت کارەکانیان دوابکەوێت، سەرەڕای دواكەوتنی مووچە مانگرتنمان رانەگەیاندووە".

لە وەجبەی پێشوودا شارەوانی سلێمانی 492 پارچە زەوی دیکەی بەسەر زیندانیانی سیاسیدا دابەشكرد.

PUKMEDIA