بەڕێوەبەری باخچەکان: سلێمانی سەوزترین شاری عیراقە

PUKMEDIA

دیمەنی سەوزایی لەسلێمانی

رێژەی سەوزایی لەناو سەنتەری پارێزگای سلێمانی لەستانداردی جیهانیی نزیکدەبێتەوە و بەڕێوەبەری باخچەکانی سلێمانیش دەڵێت:"سلێمانی سەوزترین شاری عیراقە".

بەهرۆز سالار بەڕێوەبەری باخچەکانی سلێمانی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" بەپێی ئەو داتاو پێوەرە جیهانییانەی کە هەیە، پارێزگای سلێمانی سەوزترین پارێزگای عیراقە و ئامانجمانە ئەو رێژەیە بەرزتربکەینەوە".

" لەناو سەنتەری پارێزگای سلێمانیدا رێژەی سەوزایی گەیشتووەتە سەر و ١٩٪، لەکاتێکدا بەپێی ستانداردی جیهانی پێویستە رێژەکە لە ٢٠٪ بێت و هەوڵەکانیشمان بۆ ئەوەیە لەساڵی ئایندەدا ستانداردی جیهانی تێبپەڕێنین"، بەهرۆز سالار وایوت.

بەڕێوەبەری باخچەکانی سلێمانی وتیشی:" لەکارنامەماندا هەیە لەساڵی ئایندەدا چەندین باخچەی نوێ لەناو سەنتەری پارێزگای سلێمانیدا سەوز بکەین و لەئیستادا زیاتر لە ٦ باخچە کە رووبەرێکی فراوانیان هەیە و لەناو گەڕەکەکانی شاری سلێمانیدان لەهەوڵی سەوزکردنیداین، بەمەش رێژەی سەوزایی جارێکی دیکە لەپاریزگای سلێمانی بەرزدەبێتەوە".

بەپێی زانیارییەکانی PUKMEDIA بەڕێوەبەرایەتی باخچەکانی سلێمانی، بەردەوام چاودێری سەوزایی و نەمامەکانی باخچە و بلوارەکانی ناو سەنتەری شاری سلێمانی دەکات و مانگانە چەندین باخچە و بلوار لەناو شارەکە نۆژەندەکاتەوە و نەمامی نوێ دەڕوێنێت.

PUKMEDIA