کارکردن لەشەقامی ١٠٠مەتری سلێمانی بەردەوامە

راگەیاندنی سەرۆکایەتیی شارەوانیی سلێمانی

کارکردن لەشەقامی ١٠٠ م لەسلێمانی

کارکردن لەشەقامی ١٠٠ م سلێمانی بەردەوامە و پشووەکانی سەری ساڵ کارەکانی پرۆژەکەی رانەگرتووە، سەرۆکایەتیی شارەوانیی سلێمانی-ش رایگەیاندووە:"بەسەرپەرشتی تیمەکانمان لە سەرۆکایەتیی شارەوانیی سلێمانی و کۆمپانیای جێبەجێکار هەستان بە کۆنکرێتکردنی هەردوو سەقفی سەرەکی بە بڕی ٥٠٠م٣ لە یەکتربڕی ١٧ کە دەکەوێتە سەر رێگای عەربەت- سلێمانی و کارکردن بەردەوام دەبێت".

لەڕاگەیەنراوێکدا کە وێنەیەکی بۆ PUKMEDIA نێردراوە، سەرۆکایەتیی شارەوانیی سلێمانی رایگەیاندووە:"ئەمڕۆ سەرەڕای پشووی سەری ساڵ بەسەرپەرشتی تیمەکانمان لە سەرۆکایەتیی شارەوانیی سلێمانی و کۆمپانیای جێبەجێکار هەستان بە  کۆنکرێتکردنی هەردوو سەقفی سەرەکی بە بڕی ٥٠٠م٣ لە یەکتربڕی ١٧ کە دەکەوێتە سەر رێگای عەربەت- سلێمانی و کارکردن بەردەوام دەبێت.

"شەقامی ١٠٠ مەتری سلێمانی، بەیەکێک لە ستراتیژیترین پڕۆژەکانی سەرۆکایەتیی شارەوانیی سلێمانی دادەنرێت و بە تەواوبوونیشی خزمەتێکی بەرچاو بە شۆفێران دەکات و ئاستەنگی هاتووچۆ لەسەنتەری شاری سلێمانیی کەمدەکاتەوە"، سەرۆکایەتی شارەوانی سلێمانی رایگەیاندووە. 

PUKMEDIA