وەزارەتی دارایی: رێکارەکانی دابەشکردنی مووچە تەواوکراوە

PUKMEDIA

دراوی عیراقی

وەزارەتی دارایی عیراق رایدەگەیەنێت:" سەرجەم رێکارەکانی دابەشکردنی مووچەی مانگی کانوونی یەکەمی فەرمانبەران تەواوکراوە" 

ئەمڕۆ 31ی 12ی 2024 وەزارەتی دارایی عیراق  راگەیەندراوێکی بڵاوکردەوە و رایگەیاند:" فەرمانگەی ژمێریاری لە وەزارەتی دارایی هەموو رێکارەکانی دابەشکردنی مووچەی مانگی کانوونی یەکەمی فەرمانبەرانی تەواوکردووە".

لە راگەیەندراوەکەدا وەزاەرتی دارایی عیراق رایگەیاندووە:" تەمویلکردنی مووچەی ئەم مانگە چەند رێکارێکی تەکنیکی و ژمێریاری تێدابووە بەتایبەت وردبینیکردنی تەرازوی پێداچوونەوە؛ چونکە لەگەڵ کۆتاییهاتنی ساڵدا ئەنجام دەدرێت بۆ دڵنیابوون لە وردبینییە داراییەکان" .

"رێوشوێنی گرنگ دەگرینەبەر بۆ تەمویلکردنی خێرای مووچەی فەرمانبەران تا دڵنیابینەوە تەواوی فەرمانبەران شایستە داراییەکانیان وەردەگرن". وەزارەتی دارایی وادەڵێت.

ئەم راگەیەندراوەی وەزارەتی دارایی عیراق لەکاتێکدایە، کە هێشتا چارەنوسی مووچەی دوو مانگی 11 و 12ی ساڵی 2024ی مووچەخۆرانی هەرێم دیار نییە.

PUKMEDIA