دەست بەدابەشکردنی مووچەی مانگی 11ی ساڵی پار دەکرێت

PUKMEDIA

دراوی عیراقی

بڕیارە ئەمڕۆ ٥-١-٢٠٢٥ بەپێی ئەو خشتەیەی کە وەزارەتی دارایی حکومەتی هەرێم رایگەیاندووە، دەست بە دابەشکردنی مووچەی مانگی ١١ی ساڵی پار بکرێت.

بەپێی خشتەکە ئەمڕۆ هەریەک لە خانەنشینی شارستانی، خانەنشینی پێشمەرگە، كەسوكاری شەهیدان و ئەنفالكراوان، خاوەن پێداویستی تایبەت، زیندانیە سیاسیەكان، مووچەی مانگی ١١ ی ساڵی پار وەردەگرن.

ئەمەش لەکاتێکدایە حکومەتی هەرێم بۆ دابەشکردنی مووچەی مووچەخۆرانی هەرێمی کوردستان پێویستی بە زیاتر لە ٩٩٩ ملیار و ١٢٤ ملیۆن و ٣٢٩ هەزار دینار هەیە و تا ئێشتاش چارەنووسی موچەی مانگی ١٢ ی ساڵی پار دیار نییە و ئەو ٤٣٠ ملیار دینارەی وەزارەتی دارایی دارایی هەرێم و عیراق وەک گواستنەوە(مناقەلە) بۆ هەرێم لەسەری رێککەوتبوون لەلایەن بەغداوە نەنێردراوە .

PUKMEDIA